In a mornyng arose Generydes,
Line 1352
To his lady he toke the way full right,
To speke with hir as for his hartys ease;
This Malichias of hym he had a sight,
Line 1355
And after hym, as fast as euer he myght,
ffull secretly he goth hym to aspye,
hym for to do sum shame and velanye.
Line 1358
And to perfourme all his purpose in dede,
Line 1359
Vppe in a tree he stode full secretly,
That what they seid therof he toke good heede,
And to the Sowdon told it by and by:
Line 1362
And where as he dede noo thyng ellys trewly,
But spake with hir to telle hir his entente,
he hym reportid wers thanne euer he ment,
Line 1365
To hir dishonour all that he cowde say.
Line 1366
Whanne the Sowdon had knowlage of this case,
he sware his othe ther was non other waye,
Butt bothe they shuld be dede be goddes grace.
Line 1369
To hym anon thanne sayde Malichias,
'Of your doughter ye may not avenge yow soo,
But as for hym ye wote what is to do.'
Line 1372
Yet in his wraugth this thought he euer among,
Line 1373
If he shuld avenge hym sodenly,
All his pepill wold say he did hym wrong,
Withoute Iustice to cause hym so to dye;
Line 1376
And to eschew the Rumber and the crye,
his purpose thanne he chaungyd all in feere:
And Malichias was wroth in his maner,
Line 1379
And thought he was mystr[est]ed vtterly,
Line 1380
Be cause the Sowdon dede not as he ment;
ffor he was fayn to think that he shuld dye,
