In this meane while, the kynges massenger
Line 1289
To Auferius he came withoute fey[n]ing.
Curlus he hight and seid in this maner:
'My lord,' quod he, 'ye must come to the kyng
Line 1292
In all the hast, and make noo taryng;
I drede me sore he may not long endure,
ffor he is passyng seke I yow ensure.'
Line 1295
When Auferius the kyng herd that he saide,
Line 1296
All sodenly he waxhid bothe pale and wanne;
ffurth on his waye to ride he hym purvayde
Vnto the kyng As fast as euer he canne,
Line 1299
And wete ye will he was an hevy man:
ffor by the tyme he came vnto that place,
The kyng was dede, whiche was a hevy case.
Line 1302
For hym was made grete ordenaunce I yow ensure;
The peopill wept, ther hertys were full sore,
And for to purvaye for his sepulture
They besyed them echon, bothe lesse and more,
Line 1306
Thanne was ther made an ordenaunce therfore,
ffull rially with all maner seruice;
As fell to his estate in euery wise.
Line 1309
W[i]thynne a while after all this was do,
Line 1310
A non ther was callid a parlement,
By Auferius and other lordis moo,
ffully concludid All by on Assent,
Line 1313
Be cause the kyng left non of his disente,
Nor of his blode of that land to be kyng,
To chese them on And lefe all other thing.
Line 1316
And whanne they were Assemelyd euerychone,
Line 1317
And them Avised them wele in euery thing;
They were fully Accordid all in one,
