And hough that she hadde herd the tidenggez playn,
hough ontrewly his fader be a trayn
Of his lordes made after ther entente,
he was putte owt of his land by ther Assent.
Line 1071
Off hym and of there sonne Generydes
Line 1072
Was vtterly her mend and all here thought;
And trewly to leue in hartes ease,
That cowde she nought till that she hadde hym sought;
Of her estate no pleasure she ne rought,
Saue only for to knowe the certeynte
Of auferius the kyng where he shuld be.
Line 1078
And fourth with all she ganne an erle to calle,
Line 1079
The whiche in sothe hadde widded hir Cosyn,
Right as the writeng seyth in especiall,
A fayre lady and nexst of All hir kynne;
Line 1082
The Erle to truste was noo daunger in,
ffor he was ware and wise I yow ensure,
And therwith trew as eny creature.
Line 1085
She told hym All the grounde of the mater
Line 1086
In euery thing, and how it was be fall,
Of auferius and of hir sonne in fere,
And hough the kyng betrayed was withall,
Line 1089
'Wherefore my purpose is in especiall
To take on me the labour and the payn,
Where euer he were to fynd hym in certeyn.'
Line 1092
Then [MS. When.] to the Erle she seid in this maner:
Line 1093
'Ye shall here haue the rewle and gouernaunce
Of this contre, with all my full powre;
My men shall be vnder your obeiseaunce,
Line 1096
And hough it be be disteyne or chaunce,
What euer falle, if I come not Ayen,
Ye [MS. he.] shall be here both lord And souerayn.'
Line 1099
