And ouer toke them long or it was nyght.
Line 1005
So ferthermore to saye yow the very right,
he slew them bothe And sayde, 'traytours erante,
Of your falshed ye shall yow neuer avaunte.'
Line 1008
And vppon this he turned bak ageyn
Line 1009
To his squyers, whiche were right ferre behynd,
And in this wise he dede to them complayn:
'I have,' quod he, 'founde yow bothe trew and kynde,
Now lak I good where with I shuld yow fynd,
And for to counfort me now in my nede,
I canne noo more but Ihesu be your spede.'
Line 1015
Whenne his squyers had hard hym thus complayn, [folio 6a]
They answerd hym ayen in goodly wise;
'Ser, think you not but we shall do our payn
To coumfort yow, and do yow suche seruice,
Line 1019
As our connyng And Powre may suffice,
And though your hart be now noo thing in rest,
With goddes grace All shalbe for your best.'
Line 1022
The kyng was plesid wele with ther coumfort,
Line 1023
And as hym thought he prayed them for to saye
To what contre it were best to resorte,
That for hym self he myght some what purvaye.
Line 1026
One of them seyde, 'lo yender lyght the waye;
Streyght to the Reme of Trace it will yow bryng,
Wherein dwellyth a prince, A [MS. a A.] nobyll kyng.'
Line 1029
Toward that land he toke the waye full right,
Line 1030
Whiche was callid a plentevous contre;
Whanne he came ther, as fast as euer he [MS. she.] myght
To se the kyng he went in certayn[t]e,
Line 1033
In humble [MS. humbly.] wise, besechyng hym that he
Might do hym seruice with his squyers twayne,
In like wise as his pleasur wold ordeyne.
Line 1036
