And telle hir all the trougth of your entent,
Line 816
To speke with yow she wilbe wele content.'
So furth withall, after his purpose was,
Streight fourth he goth on to Clarionas.
Line 819
'Madame,' quod he, 'my lord Generydes
Line 820
To you hym recomaundith for certayne,
A wofull man, clene owt of hartes ease,
And for to telle yow all the mater playn,
Line 823
If it please yow ye may respite his payn,
Of your goodnesse to graunt hym that licence,
That he may come on to your nobill presence.'
Line 826
Whenne she had herd these wordes euerydele,
Line 827
'Come nere,' she said, 'Mirabell, I you p[r]aye.'
'Madame,' quod she, 'I vnderstonde hym wele;
As me semyth with your wurchippe ye may
Line 830
Send me for hym and here what he will saye,
his maister here right sone for hym will goo.'
'I am content,' quod she, 'that it be so.'
Line 833
Myrabell came and toke hym owt Aside;
Line 834
'Do after me,' quod she, 'as in this case:
Att this wyndow my lady shall abide,
ffor thorough owt the gardeyn he shall pace,
Line 837
And ther he shall haue good leyser and space,
To saye what that hym list in secrete wise;
Now goo furth for this is myn avise.'
Line 840
Furth on his way departith Natanell
Line 841
To his maister, and founde hym passeng sadde:
'What tidynges now,' quod he, 'will it be wele?'
'Right wele,' quod he, 'be ye noo thyng adred:
Line 844
Whanne ye knowe all I wote ye will be glad,
As for the first, now take this of me aloon, [aloon added in another hand.]
She will that ye come speke with her anon.'
Line 847
