That she constreyned was in certeynte
Line 690
To loue hym best, it wold non other be;
She thought it dede hir good on hym to thynk,
And of hir cuppe she offeryd hym to drynk.
Line 693
He toke it of hir hand full curtesly,
Line 694
And ferthermore, as I this mater fele,
In his conseyte, I say [MS. saw.] yow certeynly,
hym liked neuer creatur so wele:
Line 697
his mynde, his thought, was sett oon hir yche deell;
And, as I cowde perseyue in myn entent,
There hartes bothe were sone of on Assent.
Line 700
Generydes he toke his leue anon,
Line 701
To sone she thought as after hir avise,
Yet or [MS. of.] that he departed was and goon,
To kysse hym she forgate not in no wise,
Line 704
he thanked hir and offerid hir seruice,
To be hire man and alway to be trew,
So to endur and neuer to renew.
Line 707
Vppe from hir mete arose clarionas,
Line 708
And on hir bedde she leyde hir fourth with All;
hir mayden had grete mervell what it was,
And full softely on hir she be ganne to calle,
Line 711
'Madame,' quod she, 'what thing is now be fall?
Of your dissese I prae yow telle it me,
To wete yow seke it is a gre[te] pite. [folio 4b]
Line 714
Ther with the lady gaue answere ageyn
Line 715
Vnto hir mayden, Mirabell was her name;
'Of my dissese,' quod she, 'yf I shuld layne
Only to yow, I wis I were to blame;
Line 718
I haue founde yow, in ernest and in game,
Att all tymes full secrete and full trew,
And soth to saye I neuer other knewe:
Line 721
