Withynne a [MS. ai.] while it happyd in yis wise,
Line 470
The quene beheld Generydes so well,
And liked hym so wele in his service,
That all hir loue on hym was euery dele,
Line 473
And in hyr self she cowde non other fele;
Withoute that she myght have his loue ageyn,
She were on don for euere in certayne.
Line 476
Not long after the kyng on hunteng went,
Line 477
Generydes that day abode behynd,
The quene knew that, and sone for hym she sent,
And told hym all that lay sore in hir mynd;
Line 480
'Generydes,' quod she, 'if I myght fynd
That ye wold loue me best and so endure,
I shall do yow the same I you ensure.
Line 483
Full long agoo I was in this purpose,
Line 484
Butt thenne I myght not telle yow what I ment,
Desireng yow to kepe this mater close,
And lete me haue knowlage of your entent;
Line 487
I promys you if ye will assent,
In grete wurchippe I shall yow wele avaunce,
And alway do that may be your plesaunce.'
Line 490
Generydes stode still in grete musyng,
Line 491
And to the quene gaue answere in this case:
'Madame,' quod he, 'I am bounde to the kyng,
To be his man her and in euery place;
Line 494
And I so moche am hold to his grace,
That for to haue his Reme myself alone,
I wold not be ontrew to his person.'
Line 497
With that he toke his leve and furth he went;
Line 498
And whanne she sawe it wold non other be,
She threte hym sore, and seid he shuld repent,
