And to the kyng he went trewly,
Line 438
To late hym wete his erand by and by,
lyke as he was comaunded for to sey,
And thus he seid withoute more delay:
Line 441
'Syr, if I durst be bold as in this case,
Line 442
My message wold I say, if it yow please,
The quene Sereyne commandith hir to your grace,
And sent yow here your sonne Generydes:
Line 445
Be cause ye shall think it is noo lese,
She chargyd me to take yow this ring,
Ye gaue it hir atte your bothe departyng.'
Line 448
The kyng toke gode avise vppon the reng,
Line 449
It was his owyn, and that anon he knowe;
To Natanell he seid withoute feyni[n]g,
'Gramercy, frend, for your massage is trew,
Line 452
Ye haue brought hym that doth my ioye renew;
Whanne he come first hem [MS. he.] thought it shuld be he,
Wherefore I prae yow bryng hym on to me.'
Line 455
Thanne furth with all departed Natanell,
Line 456
Generydes he brought on to the kyng;
Whanne he was come the kyng be held hym well,
And liked hym right wele in euery thyng,
Line 459
God wote he was so gladde of his comyng,
That ther cowde noman deme betwix hem twayne,
Whiche of them bothe were gladder in certayne.
Line 462
Whanne this was do he went to his seruice,
Line 463
The kyng dede call on to hym Natanell,
And charged hym in eny maner wise,
Aboue all thyng that he shuld kepe hym welle;
Line 466
Thanne seruyd he the quene att euery mele,
Bothe att hir mete and soper decently,
The whiche he dede full wele and manerly.
Line 469
