'Therfore,' quod she, 'I prae yow feithfully,
Line 344
That ye will do the pleasure that ye may
Onto my sone, and teche hym throughely
That att longith to hym to do or saye;
Line 347
ffor his expencez and for his aray,
ffor hors or men that maye be for your spede,
he shall not lakke no thyng that hym nede.
Line 350
But be well ware that the Stiward knowe not this,
Line 351
Whiche is ontrewe and hath be many a daye;
ffor if he may knowe who is sonne he is,
he will suerly distroye hym and he maye:
Line 354
Wherefore whanne ye come ther this shall ye seye,
A Dukes sone he is and born in Greke,
To se the kyng and wurchippe for to seke.
Line 357
And whanne ye maye fynd good leyser and spase,
Line 358
That sekerly ye may speke with the kyng,
Ye shall me recomaunde on to his good grace
ffull humbly, and take ye hym this ryng,
Line 361
he gave it me atte our last departeng;
When he it seth it shall his thought renewe,
And suerly knowe that your massage is trew.'
Line 364
This Ientill man gave answere [MS. an answere.] in this wise:
Line 365
'Madame,' quod he, 'my will is and shall
To do your sone pleasure and seruice,
As ye shalbe right wele content withall,
Line 368
With goddes grace and what that euer befall,
Better or werse or what aventure be tyde,
Ye shall will wete I will with hym a byde.'
Line 371
Furthe on his way Rideth Generydes,
Line 372
lakkyng no thing that cawde be hadde in mynde;
And of his labour wuld he neuer sese,
