In to Casare now ser Darell is goon,
Line 6702
The countre hole was glad of his comyng,
And for ther prince thei toke hym euerychon,
And gave hym ther trouth withoute feyneng,
Line 6705
he was soo good to them in euery thing,
Shewyng them favour and grete gentilnes,
he had the hartes hoole of more and lesse.
Line 6708
Whanne he had sett the rule and gouernaunce,
Line 6709
Thorough owt the land to mayteyn rest and pese,
And made his officers to his plesaunce
Suche as hym thought his honour wold encrease,
Line 6712
Thanne ageyn he went onto Generides,
And in his Iurnay rideth he full fast,
ffurth in to ynd in all the possibill hast.
Line 6715
Now is the prince of Cesare come ayen,
Line 6716
Vnto the kyng of ynde Generides,
The whiche in sothe of his comyn, [folio 36b]
ffor he abode his comyng still opece;
Line 6719
And for to telle yow shortly the processe,
Withoute delay or lenger space,
The prince was weddid onto lucidas.
Line 6722
And whanne the fest was all to geder do, [MS. done.]
Line 6723
ffor tender love and speciall remembraunce,
With hym and here he gave the lande also,
Whiche was hir faders old inheritaunce;
Line 6726
The prince also, his honour to avaunce,
he gave hym full powre signyd with his hande,
In his absence to gouerne all his lande.
Line 6729
Now goth Generides, the kyng of ynde,
Line 6730
Toward Surre withoute more delay;
And in the story leke as I do fynde,
