This is the effecte of my massage,
Line 6450
That ye will doo so mekill as take ye payn,
To come so ferre hir fader for to se,
The whiche gretly shuld counfort hym certayn;
Line 6453
To speke with yow truly he wold be fayn, [folio 35a]
That wote I wele, and she wold purvey so,
That ye shall savely come and savely goo.'
Line 6456
Off these tidynges was he well contente,
Line 6457
And part also as for his hartes ease;
Yet he remembryd hym or euer he went,
he wold haue licence of Generides,
Line 6460
ffor in noo wise he wold not hym displease;
And her vppon he made noo lenger space,
To hym he goth and told hym all the case
Line 6463
Off ser Amelok and of his repentaunce:
Line 6464
Generides answerd, and this he seid;
'If I may fynde his wordes of substaunce,
In very trougth I will be well apayde.'
Line 6467
'ffor my comyng his doughter hath so purveyde,
Ser,' quod Darell, 'and that in suche wise
I shall goo save and come o warantise.
Line 6470
And to be playn to yow in euery wise,
Line 6471
This is the cause that he hath sent for me;
I owe his doughter trewly my seruice,
So ye were well content ther with,' quod he;
Line 6474
'Ellys will I not goo in very certente.' [MS. certentente.]
Off his wordis Generides was full fayn,
And smyling softely answerd thus ageyn:
Line 6477
'Darell,' quod he, 'I know this very sure,
Line 6478
She is not long owt of your remembraunce,
Ye love hir best of eny creature;
