Off yow I must haue licence for to go
Line 6324
ffurth in to ynd, and therof haue I nede;
My felisshepe they wote not who to do,
The treson of ser Amelok I drede:
Line 6327
In all the hast homeward I will me spede,
ffor euer the sonner that I goo certeyn,
Meche the sonner thanne I will come ayeyn.'
Line 6330
Quod she ayeyn, 'my reson doth me bynde,
Line 6331
And as ferre furth as I canne vnderstonde,
I canne wele think your goyng in to ynd
Shalbe wurchippe and profight to your land,
Line 6334
Your pepill glad to wete yow so nygh hande:
wherfore,' quod she, 'if I me well avise,
I may nott be ayenst it in noo wise.'
Line 6337
That nyght they were to geder as I rede,
Line 6338
Nor sownyng to [no] villany ne shame,
In grete pleasure and in all goodlyhede;
She made hym chere and he dede hir ye same,
Line 6341
In feithfull wise withoute spotte or blame,
Anone with all withoute spotte or evill fame bothe; [This line is corrupted by the copyist from the preceding.]
Whanne it was day, though thei were neuer so loth.
To Mounperson rideth Generides,
Line 6345
In company with hym Sygrem is gon,
his men were ther abideng still opece,
like as he had commaundid hym before icheon,
Line 6348
Thei made no taryeng but furth anon,
With hors and harnes in ther best Array,
Streight in to ynde thei toke the [redy] way.
Line 6351
Whanne he was come ther as the pepill lay,
Line 6352
Thanne were thei Ioyfull euery creature;
Ser amelok full bold he was that daye,
