Too Mountoner now I will take my way,
Line 5946
And with myn vnkill ther I will abide,
ffor here I leve in drede and in affray.'
'Madame,' quod he, 'I prae god be your gide,
Line 5949
After kyng Gwynan I purpose me to ryde,
ffayne I wold knowe the way and not to mys.'
'I shall yow tell,' quod she, 'where that he is.
Line 5952
In a castell here be a forest side,
Line 5953
ffrom hens it passith not a myle or twayne,
hold on your way streight as ye ride,
And ther ye shall hym fynde, this is certayn,
Line 5956
A bideng ther Otran the kyng of spayne,
Whiche comyth the kyng to helpe I vnderstonde,
To warre vppon my vncle and his lande.'
Line 5959
'Now, Madame,' thanne seid Generides,
Line 5960
'What pepyll hath he ther? I prae yow say.'
'Trewly,' quod she, 'as ferre as I canne gesse,
he passith not CC men this day,
Line 5963
And Chosen men they be in good arraye,
he is noo thyng a drede in certente,
ffor euery day on huntyng rideth he.'
Line 5966
'Madame,' quod he, 'thanne I beseche yow this,
Line 5967
That it may plese yow do so meche for me,
Whanne ye be ther as your vncle is,
That I to hym may recomaundid be,
Line 5970
A knyght of Surre gladly wold hym see,
Butt now I may not come, the cause is soo,
ffor I will seche the kyng where euer he goo.'
Line 5973
Too Mountoner the lady toke the waye,
Line 5974
And to the forest Generides is gon,
And whanne it was ferre past on the day,
