And to my land he doth grete preiudice,
Line 5788
Therfore haue I nede of his seruice.'
'Ser,' quod Darell, 'as fast as I canne goo,
In all the hast your erande shalbe doo.'
Line 5791
Syr Darell toke his leve and went his way,
Line 5792
Whiche euer hath be founde both good and trew;
Mirabell is homeward in hir Iurnay,
Ser Darell and she mette togeder now,
Line 5795
Echeon told suche tidynggez as thei cowde,
Betwix them was noo lenger abideng,
Butt furth they rode withoute more taryeng.
Line 5798
Ser Amelok came owt of the Citee of vice,
Line 5799
With sertayn of his pepill furth he went,
ffor it was told hym in credibill [MS. credilbill.] wise,
Generides lay seke in his own tent,
Line 5802
Whiche boldith hym the more in his entent;
yet were thei blynd in that opynyon,
ffor he was rideng owt before the town.
Line 5805
Now is ser Darell come ayeyn to ynd, [folio 31b]
Line 5806
And furth withall into the feld he went,
ffull fast rideng Generides to fynde,
And furth withall he sought hym in to ye tent,
Line 5809
To telle hym all the effecte of his entent,
Butt ther he founde non erthely creature,
So furth he rode seching his aventure;
Line 5812
And with a Duke of Ethiope he mette,
Line 5813
Vppon a courser crossyng hym the way;
Eche vppon other ferly on they sett,
And or thei partid, shortly for to say,
Line 5816
The duke was slayn and in the feld he lay:
Whanne lucidas hym saw thanne was she fayn,
And glad she was of his comyng ageyn.
Line 5819
