They hym perseyued sone, and forthe they went,
Line 218
A none they mette the kynge vppon the waye,
he was no thyng mery to ther entente,
That wist they wele yet durst they noo thyng seye,
Line 221
Withynne his brest he kept it day be day;
And whanne that he came home, I yow ensure,
Of his councell ther wist non erthely creature.
Line 224
Now to this lady lete vs turne ageyn,
Line 225
Whiche to Surry hath take hir viage,
And in hir companye no man but twayn,
hir mayde and the old man ferre in age;
Line 228
So atte last they come to the village,
Ther for to rest as for a nyghtis space,
A dayes Iurney owt of the kynges place.
Line 231
She Rode to court in grete heuynesse,
Line 232
And furth with all she came to the kyng,
Which was febyll and sokyd with sekenesse;
Yet not for thy he hadde trew knowleginge
Line 235
Of his doughter, and gave hyr his blyssyng,
his land, is good, withoute eny stryffe,
And so to god he passed owt of his lyffe.
Line 238
There was wepyng and many a hevy chere,
Line 239
Among them all grete sorow ganne they take,
And as it is the custom and maner,
Anone they were arrayed in clothis blake;
Line 242
And sone [MS. sone A.] vppon ordenaunce ganne they make,
In all the hast posible as for his beryeng,
In Ryall wise accordyng to A kyng.
Line 245
This yong lady so goodly and so faire,
Line 246
The lordes all and the Comyns of the lande,
Be cause she was his doughter and his ayre,
