Whanne she came nygh the ende of hir Iurnay,
Line 5599
Ther mette she with Darell vppon the waye,
A ferde she was in very certente,
ffor Atte first she wist not yat it was he. [MS. she.]
Line 5602
Whanne she hym sawe she was right wele apayde,
Line 5603
And herd hym speke thanne very glad was she;
'hough doth my lord, the Sowdon, now?' he said,
'And my lady Clarionas,' quod he,
Line 5606
'Is she weddid? tell me the very certente.'
'Weddid?' quod she, 'nay, nay, I yow ensure,
Nor neuer wilbe to non erthely creature,
Line 5609
Save only on to my lord Generides,
Line 5610
In whom suerly is all hir fyence,
ffor this I canne yow tell in sothfastnes,
ffull seldom is he owt of hir remembraunce,
Line 5613
And as for eny new [MS. now.] founden Acqueyntaunce,
Ther is noo suche, I saye yow feithfully,
ffor wele I wote she had moche lever dye
Line 5616
Butt now I prae yow telle me,' quod she,
Line 5617
'Generides is he weddid, or noo?'
'Nay,' quod Darell, 'for certayn levith me,
It came neuer in his thought so for to do;
Line 5620
And for to say the very trowth Also,
ffor hym I dare wele answere in this case,
he will non other but fayre Clarionas.'
Line 5623
'The pece is not appoynted thanne,' quod she, [folio 30b]
Line 5624
'Of ser Amelok and of Generides?'
'Nay,' quod Darell, 'trewly it will not be;
holde on your way,' quod she, 'still opece,
Line 5627
And sette my lady [MS. lorde.] more in hartes ease;
ffor on thyng shall I say yow that is sure,
Ye shall fynde hir a wofull creature.'
Line 5630
