ffalshede and trougth is euer atte debate:
Line 5221
And yet Sygrem was allway fortenate;
ffor lucidas, whanne he brought hir the ryng,
Gave hym a mantell of hir owne weryng.
Line 5224
Serenides perseivid be the ryng,
Line 5225
hir prayour was obseruyd and obeyde,
And furth with all withoute more taryeng,
She callid lucidas, and this she saide;
Line 5228
'Doughter,' quod she, 'I am right wele apayde,
ffor now I wote ye haue chose you a man,
That will please yow in all that euer he canne.
Line 5231
And fayre doughter,' quod she, 'this I yow prae,
Line 5232
As late me see the facyon of that ryng.'
'Madame,' quod she, 'ye wote right wele alway,
I haue not disobeyde yow in noo thing;'
Line 5235
And from a lose anon ther as it hyng,
Be cause she wold in no wise her displese,
She toke the ryng onto Serenydes.
Line 5238
Whanne she it hadde thanne was she wele content,
And callid furth on of hir Acqueyntaunce,
Suche on as wold do after hir entent,
And brought vppe was vnder hir gouernaunce,
Line 5242
A man that cowde hym self right wele avaunce,
And born he was, the story seith the same,
In Ethiope, and Gusare was his name.
Line 5245
Ther with all right this to hym she sayde;
Line 5246
'On my massage,' quod she, 'now must ye goo
ffurth in to perse, and this may not be nayde,
And ye shall bere with you this ryng Also.'
Line 5249
'Madame,' quod he, 'your' pleasure for to doo,
I wold be glad in eny maner wise,
To ryde or goo ye shall haue my seruice.'
Line 5252
