Whanne lucidas had hard hym euery dele,
Line 5064
Anon she wex a litill rede with all,
Serenydes perseyuyd it full wele,
She let as though she knew noo thyng At All,
Line 5067
And ther with all she rose vp fro the wall;
And as thei [MS. ther.] were remevyng fro the place,
ffull sustely [? softely.] Sygrem callid lucydas,
Line 5070
And furth with all delyueryd hir the ryng,
Line 5071
Wherwith in sothe she was right wele apayde,
Yet made she danger in the reseyuyng,
Of his massage she was sumwhat dismayde,
Line 5074
And soberly to Sygrem thus she saide:
'Ryng ne Writeng, as I remember canne,
I neuer yet reseyuyd of noo gentilman:
Line 5077
Butt this I trost, in his grete gentilnes, [folio 27b]
Line 5078
That his desire suerly and his entent
Is only me yn honour to encrease,
And in that wise this ryng that he me sent,
Line 5081
It to reseyue I am right wele content.'
And so she toke the ryng in this maner,
And gave Segrym another for to bere.
Line 5084
Now is Sygrem departid on his way
Line 5085
ffrom lucidas, his erande for to do,
In to the feld as fast as euer he may,
To ser Darell withoute wordes eny moo,
Line 5088
his tokyn ther he delyueryd to hym Also;
Whanne he it had he was right wele apayde,
And to Sygrem full curtesly he sayde;
Line 5091
'Ser,' quod he, 'I thank yow right hertely
Line 5092
Of your good will and trew seruice,
And one thyng I yow ensure verily,
