But how that euer it was be twix them thwayne,
Line 155
It happith, so the writeng doth expresse,
That nyght ther was a child goten certeyn;
After his hunteng and his besynesse,
Line 158
ffor his travell and his grete werynes
he felle a slepe, and for to saye yow more
She sleppyd not, but lay and syghid sore.
Line 161
With hyr syghenyng a non with All she wept,
Line 162
And on his armys dede the terys falle,
That thorough his shirte he felt it as he slept;
Right sodenly he brayded and wooke with All,
Line 165
And curtesly on hyr he beganne to calle,
'I drede me sore,' quod he, 'in myn entente
That of my comyng heder ye repente.'
Line 168
'Repente,' quod she, 'nay, nay, I yow ensure,
Line 169
Your departeng is cause of all my smerte,
Only for that I do this payne endure,
ffor I shall lose the plesur of myn hert,
Line 172
And all my Ioye, I may it not asterte,
Withoute socour or helpe O warentice,
My disteyney hath shape it in this wyse.'
Line 175
'My fayre lady,' quod he to here Ageyne, [MS. Aveyne.]
Line 176
'I haue good hoope we shall not parte so sone,
And if we do, I seye yow certeyn
My chefe counfort is all to geder doon;
Line 179
To morow shall we wete or it be none,
This old fader that ye kepe with you here,
he shall telle vs the trougth of this mater.'
Line 182
When it was day and it was tyme to rise,
Line 183
This old fader on to the kyng he goth,
And whanne he cam he spak in this wise;
