To the shippe they went in all the hast yei myght,
And as thei wold desire thei had the wynd;
Vppon the see thei toke ther course full right,
That sone thei were vppon the cost of ynde,
Line 4752
Right fayre havenys all redy ganne thei fynd,
And sone thei landyd, shortly for to say,
All atte ther ease, was no man seid nay.
Line 4755
ffurth one thei went, and made noo taryeng,
Line 4756
The Cryes were made in euery good village,
All thoo that wold obey the rightwise kyng
Shuld haue ther lyves and ther heritage;
Line 4759
And euery man to haue his avauntage,
A moneth day to take avisement,
This was the kynggez own poyntement.
Line 4762
Furth with his ost kyng auferius is gon,
Line 4763
And many lordes in his companye,
The townys and the castelys euerychon
Euer as he went he wanne them by and by,
Line 4766
Save one, whiche was full stronge and myghty,
And as the story makith remembraunce,
Wold not be wonne withoute grete ordenaunce:
Line 4769
And Vice it hight, whiche is a fayre Cite;
Line 4770
Ser Amelok fro thense a litill he lay,
And of auferius comyng wist not he
No maner o thing, ne of all that Arraye;
Line 4773
Thanne was ther on that had hast in his way,
And ser Amelok Anon he ganne hym dresse,
Whiche with a knyght was playeng Att chesse.
Line 4776
'What tyme is now to play Atte Chesse?' quod he,
'Thu byddest thy felaw chese, I vnderstonde;
Butt for certeyn I saye chek mate to the,
