Syr yuell ranne onto Generides,
Line 4565
Thorough owt the sheld he smote hym [in] certayn,
Butt for all that he skapid daungerles,
And furth with all ranne to hym ayeyn,
Line 4568
That with his spere he brast his sheld on twayn,
And in his body he woundid hym so sore,
That down he felle, endure myght he no more.
Line 4571
Hys stede he delyueryd to Natanell,
Line 4572
A myghti hors and called passing wight;
'I wold,' quod he, 'this hors were cherisshid wele,
ffor he is sure and good, I yow behight.'
Line 4575
Generides adown from his hors alight,
Ser yuell sawe it wold non other be,
And vppe he rose and knelid on his kne.
Line 4578
Thanne seid he thus, 'mercy, Generides,
Line 4579
I haue affendid yow, I will no more;'
Clarionas cryed alway still opece,
'Though he speke fayre, trost hym not therfore;
Line 4582
And if ye do ye shall repente [MS. repentid.] it sore:
Remembre wele he hath desseyuyd yow twyes,
Shall he neuer be trew, I yow promys.'
Line 4585
Generides remembryd hym ther one,
Line 4586
She sayde hym trew, he knewe it verily;
With that Clarionas aspyed anon,
Ser yuell held a knyffe in his hande secretly;
Line 4589
'By ware,' quod she, and ganne hym to Aspye,
'he will sle yow, ye may wele vnderstonde,
A knyff all way he kepith in his hande.'
Line 4592
He smote generides in to the thye,
Line 4593
And he was not gretly hurt, it was his vre;
his purpose was to sle hym vterly,
