The lavender be thought hir in hir mynd,
Line 4502
That she disseyuyd ser yuell be a trayn,
And if so [MS. sore.] were that she abode be hynd,
She were vndone for euer in certayn;
Line 4505
Thanne seid she to Clarionas ayeyn,
'ffor your plesure, madame, I am contente,
With you to go att your commaundment.'
Line 4508
Off hir Answere Clarionas was fayn,
Line 4509
And ellys she had gon all womanles,
Whiche had not ben hir honour in certayn,
And as thei went to geder still opese,
Line 4512
In to the garden came Generides,
And atte first he wist not whiche was she:
'Where are ye now? fayre lady myn,' quod he.
Line 4515
Now what nedith long processe of yis mater?
Line 4516
She was sette vppe behynde Generides,
And Natanell sette vppe the lavendere
vppon his hors, and furth they ganne them dresse.
All this while was ser yuell still opese,
Euer wayteng whanne the lavender shuld bryng
That she promysed att hir departeng.
Line 4522
Butt as it hath be sayde full long agoo,
Line 4523
Some bete the bussh and some the byrdes take,
And wheder that I be on of thoo or noo,
I me reporte onto the letterys blake, [folio 24b]
Line 4526
And reasone will it may not be forsake,
he that entendith villany of shame,
It is no synne to quyte hym with the same.
Line 4529
Syr Iuell thought she taryed passyng long,
Line 4530
And vppe he rose and furth he goth alone,
In his conseite he demyd that it was wrong,
