'[M]ynne owyn lady,' quod she, 'Clarionas, [folio 22a]
Line 4061
Ser yuell now ayeyn with here is gone,
Whils we were bothe on sleppe this is ye case,
Generides is after all alone,
Line 4064
And wold that ye shuld follow hym anone.'
'Maystres,' quod he, 'now trost me verily,
To hym I will as fast as I canne highe.'
Line 4067
Now Natanell, in all the hast he may,
Line 4068
Is rideng after now Generides;
Myrabell with the Sowdon take the way,
And to the Citee ward the Sowdon ganne hym dresse,
Complayneng sore in right grete hevynes;
And by that tyme ser yuell redy was,
Takyng the shippe with fayre Clarionas.
Line 4074
It was not long or thei were vnder sayle,
Line 4075
And by that tyme come was Generides;
Ser yuell knewe hym wele withoute fayle,
By his stature and by his likenesse,
Line 4078
And these wordes he sayde to hym expresse;
'Generides,' quod he, 'I telle the playn,
Thou comyst to late to haue hir now ageyn.
Line 4081
Thow slepist to long, and I woke the while
Line 4082
To spede this mater after my device,
My purpose was the fully to be gile,
With the Sowdon whanne I was in seruice;
Line 4085
I sette not be the thretyng in noo wise,
And vterly this wolle I saye the more,
ffro this day furth thu hast lost her yerfore.'
Line 4088
Generides thanne was agrevid sore,
Line 4089
ffor thoo wordes were saide in mokkery,
And in hym self abasshed more and more,
