And ser Iuell I wote it is:
Line 3966
Of hym I dremyd all this nyght I wis,
I prae god geve hym sorow now,' she saide,
'ffor this is twyes that he hath vs betrayde.'
Line 3969
'Butt is she goon?' thanne saide Generides.
Line 3970
'Yee,' quod Mirabell, 'and that me rewith sore.'
'ffare well,' quod he, 'my comfort and gladnes,
ffare well my ioye for now and euermore;
Line 3973
What think ye best that I shall doo yerfore?'
'This is the best,' quod she, 'that I canne saye,
Go after them as fast as euer ye may,
Line 3976
And if it fortune that he may be take,
Line 3977
ffor erthely good or eny fayre promes, [folio 21b]
Do make hym sure what couenaunte that he make.'
'Yes,' hardly thanne seid Generides.
Line 3980
'To the Sowdon,' quod sche, 'I will me dresse,
And tell hym trewly, as sone as euer I may,
ffor he will trost the wordes that I saye.'
Line 3983
Generides thanne armyd hym anon,
Line 3984
Aftur ser Iuell to folow on the chase;
he sought after his swerd and it was goon,
he founde another lying in the place,
Line 3987
The Sowdons swerd he wist wele that it was:
To myrabell he seide in this maner,
'My lord the Sowdon suerly hath ben here:
Line 3990
Where with I am comfortid verely,
Line 3991
ffor of my parte [he] demyd not amys,
And if he had, I say yow sekerly,
he wold haue slayn me here, I wote wele this.'
Line 3994
'Right as ye say,' quod she, 'me think it is:
I will telle hym [the] trougth whanne I hym see,
ffor I will seche hym wher euer that he be.'
Line 3997
