Thanne on hir way rideth Clarionas,
Line 3809
ffull Innocente was she of yt in hir thought;
Whanne thei were fro the town ij myle of space,
Mirabell demyd sone that it was nought:
Line 3812
ffro the forest a wayward he them brought,
Thanne Myrabell, prevely as sche myght,
Made hir lady from hir palferay a light.
Line 3815
Where with ser yuell passing wroth he was,
Line 3816
vn perseyuyd be countenaunce or sight:
Thanne said Mirabell onto Clarionas,
'Madame,' quod she, 'this gothe not all aright,
Line 3819
I wote my self as wele as eny wight;
We are be trayde,' quod she, 'I dare well saye,
God wote,' quod she, 'this is noo thyng the way.'
And as thei sate to geder complayneng,
Line 3823
Came Natanell as fast as he myght ride,
Chasyng an hart as he come Reynyng;
A none with all Mirabell had hym aspied,
Line 3826
With hir kerche she bekenyd hym aside,
And he full curtesly left all the chase,
And streight to hir he come ther as she was.
Line 3829
'Natanell, for goddis loue, helpe,' quod she,
Line 3830
'As for my lady here, Clarionas,
Ser yuell hath betrayed bothe hir and me;
Sayng suerly that he commaundyd was
Line 3833
Be hir fader to bryng hir to the chase,
Whiche hym thought shuld be hir grete counfort,
To see his huntyng And his disporte.
Line 3836
But now I wote right wele it goth a mys;
Line 3837
Wherefore,' quod she, 'I prae you hertyly,
Go to your Maister now and tell hym this,
