To hir chaunber he toke the redy waye;
Line 3273
And att a wyndow, sothely for to say,
he spake to hir, right as he wold devise,
Att good leysere in honorabill wise.
Line 3276
Whanne he departid ther was grete hevynes,
Line 3277
And as he toke his leve in his goyng
Thanne eche to other made to geder full promyse,
To kepe hym trew aboue all other thing,
Line 3280
Now late vs thanne speke of Belen the kyng,
Whiche att his day thinkyth with spere and sheld
hym self alone to come into the feld.
Line 3283
The iijde morow, as sone as it was day,
Line 3284
kyng Belyn rose and made hym all redy,
his stede morell trappyd in good arraye,
With his harnes enbrowderyd by and by,
Line 3287
hym self armyd full wele and full sure[ly],
his helme was wele ordeynyd for the nonys,
Right wele garnysshed with perle & precious stonys.
Kyng Bellyn rideth in to the feld alone,
Line 3291
As it appoynted was betwix them twayn;
his pepill were avoydid euerychone,
And ther he taryed still vppon the playn,
Line 3294
Supposing well ther was no man certeyn,
Consideryng his manhod and his myght,
Wold be so bold ayenst hym to fight.
Line 3297
The tidynggez thorough owt the Cite sprong,
Line 3298
hough kyng Bellyn was armed in the mede,
Generides thought he was passing long,
And furth anon was brought Grissell his stede,
Line 3301
A myghti hors and very sure atte nede,
The Sowdon gave it hym in certente,
Whiche no man shuld haue saue only he.
Line 3304
