And with that stroke kyng Ermones was ded;
Line 3053
ffor hym his knyghtez made grete ordenaunce,
They hym with drew, ther was non other rede,
And fast they hyed them owt of ther distaunce,
Line 3056
Thinkyng them self owt of good gouernaunce,
And as they rode togeder complayneng, [folio 16b]
Vppon the way they mette Boleyn the kyng;
Line 3059
And fayn he wold haue them turne ayeyn,
Line 3060
Comfortid them in all that euer he myght,
Butt All that euer he spak it was in vayn;
With that anon ther answerd hym a knyght,
Line 3063
And as the story seith Otran he hight,
'Of our fortune in euery thyng,' quod he,
'I shall suerly telle yow the certente.
Line 3066
In yender ost,' quod he, 'ther is a knyght,
Line 3067
he is noo very man, what euer he be,
Butt rather a fende, and that I yow be hight,
Ther is no man alyve that he wolle flee;
Line 3070
Oure kyng is ded, whiche sore repentith me.
And suche a prince we canne not gete ayeyn,
And he it is suerly that hath hym slayn.'
Line 3073
Whanne kyng Bolyn had knowlage of yt case,
Line 3074
A hevy man he was and comforteles,
And furth with all he rideth on a pace,
All in a rage seching Generides,
Line 3077
And ther they mette togeder in the prese,
Thanne was the batell all togeder doon,
So att that tyme thei were departid sone.
Line 3080
The men of perce that day were fortenat,
Line 3081
The toder fled as fast as euer thei might,
And in hym self they stode soo desolate;
