And late vs rest as for a daye or twayne,
Line 2990
That your pepill may haue refresshing,
Thanne we wolle geve them batell new ageyn,
Withoute delaye and lenger taryeng,
Line 2993
And with the grace of god and good gideng;
And trust suerly, ye shall wele vnderstonde,
That we shall haue of them the ouer hande.'
Line 2996
Now they haue refresshid them trewly,
Line 2997
And are redy ther enmys to Assayle, [MS. Assoyle.]
A thowsand knyghtez in A companye,
And furth they went to geve them new batell,
Line 3000
With grete corage in knyghthode to prevayle;
And whanne the toder meny them beheld,
Anon they came and mette them in the feld.
Line 3003
And in a valy togederward they went,
Line 3004
The batell thanne beganne new ayeyn,
No trewys was taken ne noo poyntement,
Butt strong feightyng and many knyghtez slayn;
Line 3007
Generides, for to sey yow certeyn,
Whom that euer he mette vppon the grene,
ffrom his sadill he wente quyte And clene.
Line 3010
Syr Anasore the knyght, And ser Darell,
Line 3011
And All the toder knyghtez euerychone,
Eche for his parte quyte hym self full wele,
And of the kynges ost slew many on;
Line 3014
The remenaunte remevid bak anon,
And as thei fled, the writeng makith mynd,
Come Ermones, the kyng of higher ynd,
Line 3017
With myghti men of mervelous makyng,
Line 3018
like as it is rehersid here before;
Ther wepons fowle and ill faryng,
