Ther wer butt few his strokes wold abide.
Line 2832
The kyngges ost drew to the Citez side,
Generides was thanne vppon the playn,
A while ther to rest hym ther in certayn.
Line 2835
The kyng of kynggez thanne was in his tente,
Line 2836
And of all this he hard no maner thing;
he harde a noyse and wist not what it ment,
But furth he goth leving All other thing,
Line 2839
And toke his hors withoute taryeng,
he blew his horn that all his men myght here,
With that thei come a [MS. an.] bought hym All in feere.
Line 2842
Whanne Darell sawe the kyng of kyngges ost,
Line 2843
Generydes anon full fayre [he] prayed;
'ffor love of god that is of myghtez most,
Goo we in to the Citee now,' he sayde;
Line 2846
'Darell,' quod he, 'wher of be ye dismayd?
I see noo cause, for we shall do right wele
And skape ther handes, doughte ye neuer a dele.'
Line 2849
'I am contente,' quod he, 'that we do so;
Line 2850
As for my part now late vs goo ther on.'
And with hym was ser Anosore Also;
his horn thanne blew Generides anon,
Line 2853
With that ther came A bowte hym euerychone,
his felasshepe and what that euer he ment,
Thei were redy atte his commaundment.
Line 2856
And furth they dressid hym in his gere,
Line 2857
Generides, Darell, and Anasor,
Might neuer men doo better on a day ther,
Thanne they dede ther so fewe pepill as thei were:
Eche of them iij so wele quiete them ther,
They slew iij knyghtez eu[er]ychone for on,
The remenaunt were putte to flight euerychon.
Line 2863
