¶ Þemperour kist him ful swete,
Forȝaf him his wreþe & his hete
Bifor hem al þere. [Þre MS.]
When þemperour & þerl were at on,
Þe lordinges euerichon
Line 5
Wele bliþe of hertes were.
'Sir Tirri,' seyd þemperour fre,
'For þi fader soule, tel þou me,
Astow art me leue & dere,
Whennes is þis pilgrim?
Line 10
Is he þi nem or þi cosyin
Þat fauȝt for þe here?'
¶ 'Sir emperour,' seyd sir Tirri,
'So god me help & our leuedi,
For-soþe wiþouten fayle,
Y no seiȝe neuer ere þis pilgrim,
Bot þis oþer day y met wiþ him,
Line 5
& told him mi conseyl. [folio 161b:b]
He swore astite bi seyn Ion
To þi court he wald gon
Þe douk Berard to asayle.
Ich wend wel litel þan, y pliȝt,
Line 10
He hadde ben of michel miȝt,
To hold wiþ him batayle.'
