THANNE stode Guy vpright:
Full depe in his hert thoo he sight.
He knewe Tirry for his frende,
Line 4685
That leye there in so harde a bende,
And seide: 'sir, by trouthe myn
That y haue plighte in hande thyn,
With all might y shall helpe the:
More thou ne maist aske of me.'
Line 4690
With that he hath his sheelde nome,
And his good bronde than full sone,
His hauberk, and his other wede,
To the hylle in grete perille he yede.
A logge there stonde he sighe,
Line 4695
And withoute stode a stede highe,
That was to a bowe teyed.
Guy grete chalange on him leyde:
Sternely priking he come,
His swerde he drowe oute anone,
Line 4700
And seide to theim at his in comyng:
'Theeffis, ye bee dede, withoute lesyng.
. . . . .
. . . . .
Why slowe ye that noble knyght?
Line 4705
All ye shull dye anone right.'
. . . . .
. . . . .
. . . . .
. . . . .
To the maister theef first he raughte:
Full sone his hede awey was kaughte.
The romance of Guy of Warwick. The first or 14th-century version.
About this Item
- Title
- The romance of Guy of Warwick. The first or 14th-century version.
- Publication
- London,: Pub. for the Early English text society by K. Paul, Trench, Trübner, & co., limited,
- 1883, 1887, 1891.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Subject terms
- Guy of Warwick (Legendary character)
- Link to this Item
-
http://name.umdl.umich.edu/AHA2638.0001.001
- Cite this Item
-
"The romance of Guy of Warwick. The first or 14th-century version." In the digital collection Corpus of Middle English Prose and Verse. https://name.umdl.umich.edu/AHA2638.0001.001. University of Michigan Library Digital Collections. Accessed June 21, 2025.
Pages
Page 271
All he theim slowe, y you plighte, [Caius MS. 107 page 121]
Or any of theim arise mighte.
Whan he theim had sleyne echoon,
Line 4715
He lepte vpon the stede anoon.
Than he come to that mayde,
And swetely to hir he saide,
'No more sory thou ne bee,
Bot arise vp, and come with me.
Line 4720
With thy lemman y shall the bringe
Vnder the hawthorn withoute taryinge.'
Vpon a moyle he sette hir anone,
And to the hawthorn they come sone,
And they the knyght there ne fonde:
Line 4725
Awey he was ledde in that stounde.
Whan they him ne fonde, they were sory;
For they wende full sikirly
That lyons him had all to-drawe.
Than loked he aboute vnder the wode shawe:
Line 4730
The trade of horse he there sighe.
His herte to-berste for sorowe nyghe.
The maide he bade abide there:
After him swithe he gan fare.
. . . . .
. . . . .
Guy ouere-toke sone that ferde,
And sawe foure knyghtis the knyght lede
Ouere-thwerte a stede fast bounde,
Ryding a paas with him that stounde.
Line 4740
To the knyghtis than Guy seide
With faire wordes, withoute drede:
'That lorde that made this daye,
You worship, that best may.
Yf it bee youre wille speke with me, [Caius MS. 107 page 122]
Line 4745
And to my speche vnderstonde ye.
Lordinges, y haue my trouthe plighte
To him ye there lede, that knighte,
Page 273
That y shall his body burye:
So y haue him plighte, trulye.
Line 4750
Therfor with loue y you beseche
That ye that body me beteche.'
A knyght thoo turned to him warde,
That was the duke of lorreys stywarde,
. . . . .
. . . . .
And seide to Guy: 'who art thou?
As a foole thou art come hider now.
Whiles thou comest to aske right
Of the body of oure knyght,
Line 4760
Thou art his felawe, we the telle,
And to Duke Otes the we lede wille:
There ye shull bothe demed bee
To hange highe on a galowe tree.'
Guy answerd, 'thou mysseist:
Line 4765
By myn hede, thou it abeyest.
Art thou beloued with Otoun,
Haue ye all goddis malison.'
Vpon the hede Guy him smote,
To the girdelstede that swerde bote.
Line 4770
. . . . .
. . . . .
. . . . .
. . . . .
. . . . .
. . . . .
. . . . .
. . . . .
. . . . .
. . . . .
. . . . .
. . . . .
What shall y make a tale of nought?
All he hath to deth brought.
Page 275
He toke Terry in his armes twoo,
Line 4785
And ledde him forthe before him tho.
To that hawthorn they bee fare,
And thoo they ne fonde the mayde there.
Lete we nowe of Guy bee stille, [Caius MS. 107 page 123]
And herken more if it bee your wille
Line 4790
Of the maide, how she was nome,
And than ayene to our tale we shull come.
Of Guyes felawes shull we telle
As y fynde in this perchemyn felle,
That so longe had bee in the Citee,
Line 4795
And wondred sore where Guy might bee.
. . . . .
. . . . .
Heraude of Ardern and other moo
In-to the forest they been goo,
Line 4800
And him fynde they ne might.
Than kaste heraude his sight:
'A-lighte,' he seide, 'I here a gronyng,
As it were a woman in childing.'
And she beganne lowde to crye,
Line 4805
And heraude to hir gooth, trulye.
To the hawthorn they come nyghe,
And that Maide there they syghe.
Heraude hir asked what she was,
Bot she ne him tolde all the cas.
Line 4810
Than they toke that mayde forth,
And homeward ayene sory they gooth;
For they had their lorde longe soughte
In the foreste, and fonde him noughte.
. . . . .
. . . . .
. . . . .
. . . . .