WHANNE the Emperour herde him speke so,
Line 2559
And so grete loue shewe him to,
Line 2560
The king of hungry he cleped him to,
And sir Tirry of Gurmeyse also:
'Lordinges,' he seide, 'what shall we doo?
Rede ye that we thider goo?'
Than seide Terry to the Emperour:
Line 2565
'The Duke you dooth grete honour,
Whan he his Citees and Castellis echoone, [Caius MS. 107 page 77]
That stronge been of lyme and stoone,
All deliuere at thyn owne wille
(Thanke thou owest him by reason and skille),
Line 2570
And at thy wille his body doo.
Wende ye thider, y rede you so;
For, if he doo as thise men haue highte,
More Worship the doo he ne mighte;
For with strength thou getest this profre neuere,
Line 2575
With all the power that thou kan keuer.'
'I woll,' quoth the Emperour, 'that it so bee,
Bot that y him nought see,
Till y haue counsailled me
With my barons that in their hostage bee.'
Line 2580
With that they gynne for to wende,
And of accorde speke the knightis hende.
To Ransone they bee come,
And richely there they bee vnder-noome;
And Guy him dresseth with all his might
Line 2585
Well to serue bothe baron and knight:
Ther was yoman ne swayne noon,
Bot Guy theim yiftes yaue good woon.
The romance of Guy of Warwick. The first or 14th-century version.
About this Item
- Title
- The romance of Guy of Warwick. The first or 14th-century version.
- Publication
- London,: Pub. for the Early English text society by K. Paul, Trench, Trübner, & co., limited,
- 1883, 1887, 1891.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Subject terms
- Guy of Warwick (Legendary character)
- Link to this Item
-
http://name.umdl.umich.edu/AHA2638.0001.001
- Cite this Item
-
"The romance of Guy of Warwick. The first or 14th-century version." In the digital collection Corpus of Middle English Prose and Verse. https://name.umdl.umich.edu/AHA2638.0001.001. University of Michigan Library Digital Collections. Accessed June 20, 2025.
Pages
Page 153
Whan it was nyghte, to bedde they goo,
And erly arise withoute moo.
Line 2590
To the Chirche the Emperour is goo,
For to here his masse tho.
His eerles and barons aboute him gan stonde,
That were of many dyuerse londe;
And the Duke there was nought,
Line 2595
For the Emperour hym hated in his thought.
The same daye tymely [Caius MS. 107 page 78]
The Duke aroosse full eerly:
Rewthfully he dighte him there
In his sherte allone with open heere:
Line 2600
A stronge roope he toke thoo,
And aboute his nekke he gan it doo.
Than to his prisouners he is goon,
And theim dooth reson oon by oon:
'Lordinges, barouns, y bidde you,
Line 2605
That ye woll prey for me now
To our lorde, so well ye may,
That he me foryiue this same day
His wrathe and his male-talent.'
And all they him graunte with oon assent.
Line 2610
Than he threwe his mantell of:
Many man had grete rewthe therof.
In his sherte he stode allone:
For him was made mikell mone.
To the Emperour he gooth soo,
Line 2615
An Olyue boughwe in his handes twoo,
That pees shuld beetoken betwene theim.
All weping his wey forth he doth kenne.
Thurgh the strete barefote he gooth
And barehede in his sherte forsoth
Line 2620
With a roope aboute his swere:
Many man behelde him there.
Erles and Dukes of grete valour
For him they preide to the Emperour:
Page 155
On their knees vpon the stoon
Line 2625
For him they besoughte euerychoon,
That he wolde haue mercy of Segwyn [Caius MS. 107 page 79]
For goddis loue and seynte Martyn.
With that is Segwyn to the Chirche come,
On his knees he felle full sone:
Line 2630
Of the Emperour he besoughte mercy
For goddis loue and oure Lady.