THANNE Heraude of Ardern forth gan springe,
And the Duke he mette in his comynge:
Line 950
Farre of his hors he hath him felled
All longestreight in the felde.
To the Duke Gaudemer than he smote,
And of his hors he felled him fote hote:
. . . . .
. . . . .
Well he dooth as knyght hardy.
With that cometh to him vrry.
Thanne beganne that fighte with swerde:
Of suche ye ne haue bot seelde herde.
Line 960
. . . . .
The romance of Guy of Warwick. The first or 14th-century version.
About this Item
- Title
- The romance of Guy of Warwick. The first or 14th-century version.
- Publication
- London,: Pub. for the Early English text society by K. Paul, Trench, Trübner, & co., limited,
- 1883, 1887, 1891.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Subject terms
- Guy of Warwick (Legendary character)
- Link to this Item
-
http://name.umdl.umich.edu/AHA2638.0001.001
- Cite this Item
-
"The romance of Guy of Warwick. The first or 14th-century version." In the digital collection Corpus of Middle English Prose and Verse. https://name.umdl.umich.edu/AHA2638.0001.001. University of Michigan Library Digital Collections. Accessed June 20, 2025.
Pages
Page 57
. . . . .
. . . . .
. . . . .
Bot the folke sey of that contree
Line 965
That Guye euer the beste is he.
And on morowe for the same
The pris he had of that game.
Guy is preised on euery side,
And on him is tourned all the pride.
Line 970
And, tho come the thirde daye,
That euery man shulde wende his weye,
There come the Duke Reyner priking, [Caius MS. 107 page 31]
That good knyght was and well doyng.
'Lordynges,' he seide, 'vnderstonde me,
Line 975
Yf y myssey, that it may amended bee.
. . . . .
. . . . .
. . . . .
. . . . .
This Girfauk and this stede,
Thise Greyhoundes shall haue to mede
He that theim beste hath gete
Is Guy of Warrewik, take ye kepe.
And that therto withseith aught,
Line 985
Of bataille ne may he faille naught.'
All they seide comenly,
'Thy dome we graunte, sikirly.'
Than they cryde as was the lawe
That Guy the presenteȝ shuld haue by sothe sawe.
Line 990
Whan they were all went,
Guy to his Inne is come, verament,
And did him vnarme lightly;
For of the turnement he was wery.
With this cometh a sergeant ridyng
Line 995
Slie and wise and wele speking;
To Guyes Inne he is come,
And to Guy he wente right sone.
Page 59
Curteisly Guy he grette:
'Sir Guy,' he seide, 'god the kepe:
Line 1000
Thou art holde the best in this borough
And in all this londe thurgh and thorough.
Thou hast wonne the turnement,
Therfore y bringe to the this present
In the Maidens behalue Blanchefloure,
Line 1005
My lordes doughter the Emperoure:
This white Girfauk, the stede also, [Caius MS. 107 page 32]
Thise white Greyhoundes, that good bee bothe two.
Hir loue the she graunteth with all than,
Bot if thou haue a fairer lemman,
Line 1010
Than she that is the toure withynne:
This daie thou may hir loue wynne.'
Full curteisly answerd Guy:
'Of thise presenteȝ moult graunt mercy,
And thanke hir that theim hider sent:
Line 1015
Full gladly y resceiue hir present,
Hir knyght to bee withoute wronge:
I shall hir duely vnderfonge.
My leue frende, nowe vnderstonde me:
Thou shall doo as y sey the.
Line 1020
Thise armes y shall the nowe yiue
And make the riche while thou lyue;
And all thy felawes that bee with the
Riche yiftes they shull haue of me,
And doo you y shall grete honour
Line 1025
For the Maidens loue Blancheflour.'
'Grant mercy, sir Guy,' seide he;
'For armes y come not to the,
And right to the maide y shall wende
And telle hir worde and ende,
Line 1030
To Blancheflour, that swete thing,
And telle hir of the good tyding.'