Nowe is Guy to Courte come,
As man that was with woo nome;
In to an herber he is goo,
Line 565
Felice he fonde therin thoo;
The romance of Guy of Warwick. The first or 14th-century version.
About this Item
- Title
- The romance of Guy of Warwick. The first or 14th-century version.
- Publication
- London,: Pub. for the Early English text society by K. Paul, Trench, Trübner, & co., limited,
- 1883, 1887, 1891.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Subject terms
- Guy of Warwick (Legendary character)
- Link to this Item
-
http://name.umdl.umich.edu/AHA2638.0001.001
- Cite this Item
-
"The romance of Guy of Warwick. The first or 14th-century version." In the digital collection Corpus of Middle English Prose and Verse. https://name.umdl.umich.edu/AHA2638.0001.001. University of Michigan Library Digital Collections. Accessed June 21, 2025.
Pages
Page 35
At hir fete he him leyde,
And than all wepyng to hir he seide:
'Y am come mercy to aske of the;
Yf thou woll thou maist slee me;
Line 570
Thy commaundement y wote well y haue broke,
Now that y am come before thy loke.
And leef me were surely
The sorowe that y haue suffred by and by,
Stronge peyne sorowe and woo
Line 575
That y for the haue endured eueremoo.
Myn herte shall y leue with the:
Woll thou or not, so shall it bee;
My body farther goo ne may,
And my wille lasteth ay.
Line 580
While y lyue, the loue y wille,
Whether y saue my self or spille;
Thurgh me demed it shall not bee
Whiles that lif is within me.
The to loue thou may not forbede,
Line 585
With sorowe and woo thou dost me fede.
. . . . .
. . . . .
. . . . .
. . . . .
. . . . .
. . . . .
Fro hense foreward it rekketh not me [Caius MS. 107 page 19]
Of my lif how so it bee,
Ne of my deth neuere the moo
Line 595
I ne rekke how that it goo,
For of this lif y am chekmate.'
A-downe he felle swounyng with that;
Felice loked vpon him thoo.
And behelde his grete woo;
Line 600
Ruthe she had in hir herte
Of his sorowe and his smerte.
Page 37
To a maide she seide thoo:
'Take him vp in thyn armes twoo,
And ley him vp fro the grounde,
Line 605
Till him bee past that bitter stounde.'
. . . . .
. . . . .
'By god of heuen,' that maide seide,
'Though y were of the worlde the fairest maide,
Line 610
And the Richest Kyngis Doughter were
That in this worlde crowne dooth bere,
And he of my loue desirous were,
As he is of thine in stronge manere,
Ne wolde y him my loue werne,
Line 615
And he me wolde therof lerne.
Felice the faire answerd therto:
'Avoide, damesell, why seist thou so?
So thou shuld not rede me;
Thou art to blame forsothe y telle the.
Line 620
Thou hast ofte herde this speche,
That we ne shuld noman beseche,
But they shuld beseche women
On the fairest manere that they kan,
And assaye yf they spede may [Caius MS. 107 page 20]
Line 625
Either by nyghte or by day.'
Guy of swounyng awaked thoo;
The maide helde him in hir armes twoo.