The Harleian ms. 7334 of Chaucer's Canterbury tales. Ed. by Frederick J. Furnivall.

                                
                                     [6-text p 590] 
                                  
                                  For euery man saue þou hath told his tale
                                
                                  vnbocle and schew vs what is in þy male
                                
                                  For trewely me þinkeþ by þy chier
                                
                                  Þou scholdist wel knyt vp a gret matier
                                  Line 28 
                                
                                  Tel vs a tale anoon for cokkes boones
                                
                                  This persoun answerde al at oones /
                                
                                  Thow getist fable noon I-told for me
                                
                                  For poul þat writes vnto thimothe
                                  Line 32 
                                
                                  Repreueþ hem þat weyueþ sothfastnesse
                                
                                  And tellen fables and such wrecchednesse /
                                
                                  why schuld I sowen draf out of my fest/
                                
                                  whan I may sowe whete if þat me lest/
                                  Line 36 
                                
                                  For which I say if þat ȝow lust to hiere
                                
                                  Moralite and vertuous matiere
                                
                                  And þanne þat ȝe wil ȝiue me audience
                                
                                  I wol ful fayn at cristis reuerence
                                  Line 40 
                                
                                  Do ȝow plesaunce leful as I can
                                
                                  But trusteþ wel I am a suthern man
                                
                                  I can not geste. rum raf. ruf by letter
                                
                                  Ne god wot rym hold I but litel better
                                  Line 44 
                                
                                  And þerfor if ȝow lust I wol not glose
                                
                                  I wol ȝow telle a mery tale in prose /
                                
                                  To knyt vp al this fest and make an ende
                                
                                  And Ihū for his grace wit me sende
                                  Line 48 
                                
                                  To schewe ȝow þe way in þis viage
                                
                                  Of þilke parfyt glorious pilgrimage
                                
                                  That hatte Ierusalem celestial
                                
                                  And if ȝe vouche sauf anoon I schal
                                  Line 52 
                                
                                  Bygynne my tale for which I ȝow pray
                                
                                  Telle ȝour avis I can no better say
                                
                                  But naþeles þis meditacioun
                                
                                  I put it ay vnder correctioun
                                  Line 56 
                                
                                  Of clerkes for I am not textuel
                                
                                  I take but þe sentens trustiþ wel
                                
                                  Therfor I make protestacioun
                                
                                  That I wol stonde to correccioun [folio 252a] 
                                  Line 60

Pages

Index

About this Item

Title: The Harleian ms. 7334 of Chaucer's Canterbury tales. Ed. by Frederick J. Furnivall.
Author: Chaucer, Geoffrey, d. 1400.
Canvas: Page 591
Publication: London,: Pub. for the Chaucer society by N. Trübner & co.,; 1885.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8246.0001.001
Link to this scan: https://quod.lib.umich.edu/c/cme/agz8246.0001.001/603:12

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8246.0001.001

Cite this Item

Full citation: "The Harleian ms. 7334 of Chaucer's Canterbury tales. Ed. by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8246.0001.001. University of Michigan Library Digital Collections. Accessed May 14, 2025.

The Harleian ms. 7334 of Chaucer's Canterbury tales. Ed. by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item