The Lansdowne ms of Chaucer's Canterbury tales / edited by Frederick J. Furnivall.

[6-text p 167]

Incipit prologus Armigeri. [on leaf 79]

OWre Ost vpon his stereps stode anone And seide goode men herkeneþ euerychone This was a þrefty tale for þe nones Sir pariche preste quod he for goddes bones Line 1166 Tel vs a tale as was þi forward ȝore .I. se welee þat ȝe lerned men in lore Can muchel goode be goddes dignite The person him anseward benedicite Line 1170 What eyley þe man so sinfuly to swere Owr oste anseward Iankin be ȝe þere .I. smel a loller in þe wynde quod he How good men quod oure oste herkeneþ me Line 1174 Abideþ for goddes deyne passione ffor we schal haue a predicacione This loller will prechen her sumwhat Nay be my fader sowle þat sal he nat Line 1178 Seid þe swyere her schal he nouht preche He schal no gospel glosen here ne teche He leueþ al in þe grete god he He wolde sowen sum difficulte Line 1182 Or sprengen cokel in oure clene corne And þar-for oste .I. warne þe be-forne Mi Ioly body . schal a tale tell And .I. schal klynken ȝow so mery a bell Line 1186 Þat .I. schal waken al þis compaignie Bot it schal not bien of philosophie Ne fisleas ne turnies queynte of lawe There is bot litel latine in my mawe [[The Squire's Tale follows in the MS.]] Line 1190

Explicit prologus.