Page 193
[6-text p 167]
Owre oost vpon his stiropes stood anoon [on leaf 90]
And seyde goode men herkeneþ euerych on
This was a thrifty tale for þe nones
Sire parissche prest quod he for goddes boones
Line 1166
Telle vs a tale as was þi forward yore
I se wel þat ye lerned men in loore
Can moche good by goddes dignete
The parson him answerde benedicite
Line 1170
What eyleþ þe man so synfully to swere /
Oure ost answerde. O Ianekyn be ye þere
I smelle a lollere in þe wynd quod he
how goode men quod oure host herkeneþ me
Line 1174
Abydeþ for goddes digne passion
ffor we schal han a predicacion
This lollere heer wil prechen vs som what
Nay by my fader soule þat schal he nat
Line 1178
Seyde þe Esquier heer schal he nat preche
He schal no gospel glosen here ne teche
he leueþ all in þe grete god he
he wolde sowen som difficulte
Line 1182
Or springen Cokkel in oure clene corn
And þerfore oost I warne þe biforn
My Ioly body schal a tale telle
And I schal clynken ȝou so mery a belle
Line 1186
That I schal waken al þis compaignie
But it schal not ben of philosophie
Ne Phislyas ne termes queinte of lawe
Ther is but litel latyn in my nawe [[The Squire's Tale follows in the MS.]]
Line 1190