The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

[6-text p 312]

[Here begynneth þe prologge of/ þe Perdonere

[Sloane MS 1685 folio 182]

[[? MS Z, E, or I.]] Oure oste gan swere as he were woode Harrowe quod he by nayles and by bloode Line 288 Thys was a false Clerk/ and a false Iustice As shamefulle deth as tonge can deuyse [Sloane MS 1685 folio 182b] Come to þe Iustice and hir/ aduocase Algate þis sely woman ys slayne Alas. Line 292 Alas [to] dere a-bouȝte she Bewte Wherfore I say al day þat men may see þat ȝift/ of fortune or of nature Ben cause of/ dethe of many a creature Line 296 . . . . . . . . . . [no gap in the MS.] As bothe ȝiftes as I speke of nowe Men han fulle ofte more harme þen prowe Line 300 But/ truly myn owen Maystre dere Thys ys a pitous tale forto here But natheles passe ouere ys no force I pray to god so saue þi gentel corse Line 304 And þine vrynales/ and þyne Ioudans Thyne ypocras and eke þi galyans· And euery Boxe fulle of þi letuary God blesse hem and oure lady seynt/ mary Line 308 So mot I the þou art/ a propre man And I-lyke a prelate be seynt Runyan Saue þat/ I kon not/ speke wele in terme But/ wele I woote þou doest/ myn hert erme Line 312 þat/ I haue almoste cauȝt a Cardiache By corps bones but/ yf/ I haue treacle Or. elles a drauȝt/ of moost or corny ale Or but/ I here a-none a mery tale Line 316

[6-text p 313] Line 316 My hert/ ys loste for pite of þis mayde [[Sloane MS 1685]] Than belamy Iohn perdoner/ he sayd Telle vs some myrthe or some Iapes here anone hit shal be done quod he by seynt/ runyon Line 320 But first/ quod/ he at þe next/ ale stake I wol bothe dryng and ete of a kake But/ riȝt anone þise gentelys gan to crye Nay let/ hym telle vs of/ no rebaudrye Line 324 Tel vs some moral thenge þat/ we may here Some wytte and þan wille we gladly here I graunte I-wys quod he but/ I mot/ thynke Vpon some honest/ thynge whyle þat I drynke [Sloane MS 1685 folio 183a] Line 328

[Here] endeth þe Prolooge