[H]ere bigynneth / the Pardoners tale.
IN fflandres / whilom was a compaignye [folio 197b]
Of yonge folk that haunteden folye
Line 464
As Riot hasard / Stewes / and Tauernes
Where as with harpes / lutes / and gyternes
They daunce / and pleyen at dees / bothe day & nyght
And ete also and drynke / ouer hir myght
Line 468
Thurgh which / they doon the deuel sacrifise
With-Inne that deueles temple / in cursed wise
By superfluytee / abhomynable
Hir othes been so grete / and so dampnable
Line 472
That it is grisly / for to heere hem swere
Oure blissed lordes body / they to-tere
Hem thoughte / that Iewes / rente hym noght ynough
And eech of hem / at otheres synne lough
Line 476
And right anon / thanne coomen Tombesteres
ffetys and smale / and yonge ffrutesteres
Syngeris with harpes / Baudes / waufereres
Whiche been / the verray deueles Officers
Line 480
To kyndle and blowe / the fyr of lecherye
That is annexed / vn-to glotonye
The holy writ take I / to my witnesse
That luxure / is in wyn / and dronkenesse [¶ Nolite inebriari vino in quo est luxuria]
¶ Lo how þat dronken loth / vnkyndely
Lay by his doghtres two / vnwityngly
So dronke he was / he nyste what he wroghte
Herodes / who so wel the stories soghte
Line 488
[. . . . .
. . . . . [no spurious lines in this MS.]]
