[6-text p 587]
¶ The flemyng seith / and lerne it if thee leste
Line 349
That litel Ianglyng causeth muchel reste
My sone / if thow / no wikked word hast seyd
Thee thar nat drede / for to be biwreyd
Line 352
But he þat hath mysseyd / I dar wel sayn
He may by no wey / clepe his word agayn
Thyng that is sayd / is seyd / and forth it gooth
Though hym repente / or be hym leef or looth
Line 356
He is his thral / to whom þat he hath sayd
A tale / of which he is now yuele apayd
My sone be war / and be noon Auctour newe
Of tidynges / wher they ben false / or trewe
Line 360
Wher so thow come / amonges heye / or lowe
Kepe wel thy tonge / and thynk vp on the Crowe [6-text p 129]
Line 362
¶ Here is ended /the Manciples tale / of the Crowe.
