The Hengwrt ms of Chaucer's Canterbury tales / edited by Frederick J. Furnivall.

APPENDIX TO GROUP A. [THE SPURIOUS TALE OF GAMELYN.]

Her endeth o tale of the Cooke and her folowyth a nother tale of the same cooke [MS Reg. 17 D. xv folio 66b]

Lythen and listeneþe and harkeneþe Arighte And ye schulne here of A doughty knyghte Sir Iohan of Boundis was his name He couþe of norture And mochell of game Line 4 Thre sonnes þe knyghte hadde with his bodye wonne The eldeste was a mocche schrewe And soone he bigonne His breþerne louede wele her ffadre And of hym were Agaste The eldeste desaruede his ffaders Curse And hadde hitt atte þe laste The gode knyghte his ffadre lyuede so ȝore That deþe was hym comen And handelede hym ffulle sore The gode knyghte carede sore syke þere he laye How his chyldron schulde lyuen Affter his daye [MS Reg. 17 D. xv folio 67a] Line 12 He hadde bene wyde where buttenon husbande he was [[Reg. 17 D. xv. ends.]] All the londe that he hadde it was purchas. [[Harl. 1758, begins.]] [Harl. 1758 folio 46a] ffayn he wolde it were dressid among hem alle. That eche of hem had his part as it myght falle. Line 16 Tho sent he in to contre after [[r is for r/]] wise knyghtis. To helpe delen his londis and dressen hem to rightis. He sent hem word bi lettres thei schulde hye blyue. Yf thei wolde speke with hym while he was on lyue. Line 20

Line 20 Tho the knyghtis herden sike that he lay. Had thei no rest nother [[NB. all r = MS r/]] nyght ne day. Till thei come to hym ther he lay stille. On his deth bed to a-bide goddis wille. Line 24 Then seide the good knyght sike ther he lay. Lordis I yow warne for sothe with-out nay. I may no lenger lyuen here in this stounde. ffor thorough goddis will deth drawes me to grounde. Line 28 Ther nas non of hem alle that herde hym a right. That thei ne had routhe of that ilke knyght. And seiden sir/ for goddis loue ne dismay you noght. God may done bote of bale that is now wrought. Line 32 Than spake the good knyght sike there he lay. Bote of bale god may sende I wot it is no nay. But I beseke you knyghtis for the loue of me. Goth and dressith my londis among my sones thre. Line 36 And for the loue of god delith not hem a mys. And foryeteth not Gamelyn my yong sone that is. Taketh hede to that one as well as to that other. Seeld ye seen any heier helpen his brother/./ Line 40 Tho leten thei the knyght lyen that was not in hele. And wentyn in to counseile his londis for to dele. ffor to delen hem alle to oon that was here thoght. And for Gamelyn was yongist he schulde haue noght. Line 44 All the londe that ther was thei dalten it in two. And letyn Gamelyn the yong with-outen lond go. And eche of hem seide to other full lowde. His brethren myght yeue hym londe when he good cowde. When thei had delid the londe at here wille. Line 49 Thei comen to the knyght there he lay stille. And tolde hym a-non how thei had wroght. And the knyght ther he lay likid it right noght. Line 52 ¶ Than seide the knyght be seynt Martyn. ffor all that ye haue don yet is the londe myn. ffor goddis loue neighboris stondith stille. And I will delyn my lond right aftir my wille. Line 56

Line 56 Iohn my eldist sone schall haue plowes fyue. That was myn fadris heritage while he was on lyue. And my myddlist sone fyue plowes of londe. That I halp for to gete with my right honde. Line 60 And all myn other purchas of londis and ledis. [Harl. 1758 folio 46b] That I be-quethe Gamelyn and all my good stedis. And beseke you good men that lawe con of londe. ffor Gamelyns loue that my quest stonde. Line 64 Thus dalt the knyght his londe bi his day. Right on his deth bed sike ther he lay. And sone aftirward he lay stoon stille. And died whan tyme come as it was cristes wille. Line 68 A-noon as he was deed and vndir gras graue. Sone the eldir brother giled the yong knaue He toke in to his honde his londe and his lede. And Gamelyn hym self to clothen and to fede. Line 72 He clothed hym and fedde hym yuell and eke wrothe. And lete his londis for-fare and his housis bothe His parkes and his wodis and dide no thyng welle. And sithen he it a-bought on his owne felle. Line 76 So long was Gamelyn in his brothris halle. ffor the strengest of good will thei doutedyn hym alle. Ther was none ther yn nother yong ne olde. That wolde wrath Gamelyn were he neuyr so bolde. Line 80 ¶ Gamelyn stood on a day in his brothers yerde. And bigan with his honde to hondill his berde. He thought on his londis that lay vnsawe. And his faire okis that doune were drawe. Line 84 His Parkis were broken and his dere reuyd. Of all his good stedis noon was hym bi-leuyd./ His housis were vn-hiled and full yuell dight Tho thought Gamelyn it went not a-right. Line 88 Aftir-warde cam his brother walkyng thare. And seide to Gamelyn is our mete yare. Tho wrathed hym Gamelyn and swore bi goddis book. Thou schalt go bake thi self I will not be thi Cook. Line 92

Line 92 Now brother Gamelyn how vnswarest thou now. Thou spakest neuyr suche a worde as thou dost now. Be my feith seide Gamelyn now me thynketh nede. Of alle the harmes that I haue I toke neuyr yet hede. Line 96 My parkis/ ben broken and my deer bi-reuyd. Of myn armes and my stedis noght is me bileuyd. All that my fadir me bi-quath all goth to schame. And therfore haue thou goddis curs brother be thyn name./ Than spake his brother that rape was of rees. Line 101 Stonde stille gadlyng and holde thi pees. Thou schalt be fayn to haue thi mete and thi wede. What spekest thou gadlyng of londe or of lede. Line 104 Than seide Gamelyn the childe that was yeng. Cristes curs mote he haue that clepeth me gadlyng. I am no worse gadlyng ne no worse wight. But borne of a lady and geten of a knyght. [Harl. 1758 folio 47a] Ne dorst he not to Gamelyn neuer a foot go. Line 109 But clepid to hym his men and seide to hem tho. Goth and betith this boy and reueth hym his witte. And lete hym lerne a nother tyme to vnsware me bette. Then seide the childe yong Gamelyn. Line 113 Cristis curs mote thou haue brother art thou myn. And if I schall algate be betyn a-noon. Cristes curs mote thou haue but thou be that oon. Line 116 And a-non his brother in that grete hete. Made his men to fette staues Gamelyn to bete. When euery of hem had a staff nomen. Gamelyn was ware tho he sigh hem comen. Line 120 Tho Gamelyn sigh hem comen he lokid ouer all. And was war of a pestell stood vndir the wall./ Gamelyn was light and thider gon to lepe. And droff alle his brethers men right sone on an hepe Line 124 And lokid as a wilde lion and leide on good wone. Tho his brother sigh that he began to gone. He fleigh vp in to a lofte and schette the dore faste. Thus Gamelyn with his pestell made hem alle a-gaste. Line 128

Line 128 Some for Gamelyns loue and some for eie. Alle thei drowhen hem to halues tho he gan to pleie. What now seide Gamelyn euyll mote ye the. Will ye begynne contek and so sone fle. Line 132 Gamelyn sought his brother whither he was flowe. And saugh where he loked oute at a wyndowe. Brother seide Gamelyn come a litell nere. And I will teche the to pleie at the bokelere. Line 136 His brother hym answerde and seide be seynt Richere. While that pestell is in thi honde I will come no nere. Brother I will make thi pees I swere bi cristes ore Cast a-weie the pestell and wrath the no more. Line 140 I most nede seide Gamelyn wrath me at ones. ffor thou wolde make thi men to breke my bones. Ne had I had mayn and myght in myn armes. To haue putte hem fro me thei wolde haue do me harmes. ¶ Gamelyn seide his brother be thou not wroth. Line 145 ffor to seen the haue harme me it were right loth. I ne dide it noght brother but for a fondyng. ffor to loken if thou art strong and art so yeng. Line 148 Come a-doune then to me and graunt me my bone. Of oo thyng I will the axe and we schull saught sone. Doune than come his brother that fekill was and felle. And was swithe sore a-ferd of the pestelle. Line 152 He seide brothir Gamelyn axe me thi bone. And loke thou me blame but I it graunt sone./ Than seide Gamelyn brother y-wis. [Harl. 1758 folio 47b] ¶ And we schull be at one thou muste graunte me this. All that my fadir me by-quath while that he was on lyue. Thou muste do me it haue yef we schull not stryue. Line 158 That schalt thou haue Gamelyn I swere be cristes ore. All that thi fadir the by-quath though thou woldest haue more. Thi londe that lieth leye well it schall be sowe. And thyn housis reisid vp that ben leide full lowe. Thus seide the knyght to Gamelyn with mouth. And thought on falsnes as he well couth. Line 164

Line 164 The knyght thought on treson and Gamelyn on noon. And wente and kissed his brother and whan thei were at oon. Allas yong Gamelyn no thyng he ne wiste. With suche fals treson his brother hym kiste Line 168 ¶ Lyitheneth and listeneth and holdith your tonge. And ye schull here talkyng of Gamelyn the yonge. Ther was ther be siden cried a wrastlyng And therfore ther was sette a Ram and a Ryng./ Line 172 And Gamelyn was in will to wende therto. ffor to preuyn hys myght what he coude do. Brother seide Gamelyn be seynt Richere. Thou moste lene me to nyght a litell cursere. Line 176 That is fresch to the sporis on for to ride. I most on an erand a litell here be side. Bi god seide his brother of stedis in my stalle. Go and chese the the best spare noon of hem alle. Line 180 Of stedis and of cursers that stonden hem be side. And telle me good brother whider thou wilt ride. Here be side brother is cried a wrastlynge. And there fore schall be set a Ram and Rynge. Line 184 Moche worschip it were brother to vs alle. Might I the Ram and the Ryng bryngen home to this halle./ A stede ther was sadelid smertly and skete. Gamelyn dide a peire of sporis faste on his fete. Line 188 He sette his foot in the stirop the stede he bi-strood. And toward the wrastlynge the yong childe rood. Tho Gamelyn the yonge was riden oute at gate. The fals knyght his brother loked yet aftir thate. Line 192 And besought ihesu crist that is heuyn kyng. He myght breke his nekke in that wrastlyng. As sone a Gamelyn come there the place was. He light downe of his stede and stood on the gras. Line 196 And there he herde a ffrankeleyn welaweie syng. And bi-gan bitterly his hondis for to wryng. Gode man seide Gamelyn whi makist thou this fare. Is ther no man that may you helpen out of care. Line 200

Line 200 Allas seide the ffrankeleyn that euyr I was bore. ffor twey stalworth sones I wene that I haue lore. [Harl. 1758 folio 48a] A Champion is in the place that hath wrought me sorowe. ffor he hath slayne my two sones but yef god hem borowe. I woll yeue ten pounde bi ihesu criste and more. With the nones that I fonde a man to handle hym sore. Gode man seide Gamelyn wilt thou well done. Holde my hors while my man draweth of my schone. Line 208 And helpe my man to kepe my clothes and my stede. And I will in to place gone to loke if I may spede. By god seide the ffrankeleyn it schall be done. I will my self be thi man to drawe of thi schone. Line 212 And wende thou in to place ihesu criste the spede. And drede not of thi clothis ne of thi good stede. Barfoot and vngirt Gamelyn yn cam. Alle that were in the place hede of hym thei nam. Line 216 How he dorste auntre hym to done his myght. That was so doughti a Champioun in wrastlyng and in fight. Vp sterte the Champion rapeli a-noon. Toward yong Gamelyn he bi-gan to goon. Line 220 And seide who is thi fadir and who is thi sire. ffor sothe thou arte a gret fooll that thou come here. ¶ Gamelyn answerde the Champion tho. Thou knewe well my fadir while he couthe go. Line 224 Whiles he was on lyue be seynt Martyn. Sir Ion of Boundis was his name and I Gamelyn. ffelawe seide the Champion so mote I thryue. I knewe well thi fadir whiles he was on lyue. Line 228 And thi self Gamelyn I will that thou it here. While thou were a yong boy a moche schrewe thou were. Than seide Gamelyn and swore bi cristes ore. Now I am older wax thou schalt fynde me a more. Line 232 By god seide the Champion well come mote thou be. Come thou ones in my honde thou schalt neuer the. ¶ It was well with-yn the nyght and the mone schone. When Gamelyn and the Champion to gider gon gone. Line 236

Line 236 The Champion cast tornes to Gamelyn that was prest. And Gamelyn stood and bade hym done his best. Than seide Gamelyn to the Champioun. Thou art fast a-boute to bryng me a-doun. Line 240 Now I haue proued mony tornes of thyne. Thou most he seide proue oon or two of myne. Gamelyn to the Champion yede smertly a-none. Of all the tornes that he couthe he schewid hym but one. And kest hym on the lift side that thre ribbes to-brake. And therto his one arme that yaf a gret crake. Than seide Gamelyn smertly a-noon. Schall it be holde for a cast or ellis for noon. Line 248 By god seide the Champion whether it be. [Harl. 1758 folio 48b] He that cometh ones in thi honde schall he neuyr the. Than seide the ffrankeleyn that had his sones there. Blessid be thou Gamelyn that euyr thou bore were. Line 252 The ffrankeleyn seide to the Champion on hym stood hym noon eye. This is yong Gamelyn that taught the this pleye. A-yen vnswarid the Champion that liked no thyng well. He is alther maister and his pleie is right fell. Line 256 Sithen I wrastlid first it is gone yore. But I was neuyr in my lyf handelid so sore. Gamelyn stood in the place a-non with-out serke. And seide if ther be mo lete hem come to werke. Line 260 The Champion that payned hym to wirke sore. Hit semeth bi his contenaunce that he will no more. Gamelyn in the place stood still as stoon. ffor to a-bide wrastlyng but ther come noon. Line 264 Ther was non with Gamelyn that wolde wrastle more. ffor he handlid the Champion so wondirly sore. Two gentill men yemed the place. Come to Gamelyn god yeue hym good grace. Line 268 And seide to hym do on thi hosen and thi schoon. fforsothe at this tyme this faire is doon./ And than seide Gamelyn so mote I well fare. I haue not yet hauyndell sold my ware. Line 272

Line 272 ¶ Tho seide the Champion so brok I my swere. He is a fooll that ther-of bieth thou sellest it so dere. Tho seide the frankeleyn that was in moche care. ffelaw he seide whi lakkest thou this ware. Line 276 Be seynt Iame in Gales that mony man hath soght. Yet is it to good chepe that thou hast boght. Tho that wardeyns were of that wrastlyng. Come and brought Gamelyn the Ram and the Ryng. Line 280 . . . . . . . . . . [no gap in the MS.] A Gamelyn thought it was a faire thyng. And went with moche ioye home in the mornyng. Line 284 His brother sigh where he came with the gret route. And bad schit the gate and holde hym with-oute. The porter of his lord was sore a-gast. And sterte a-noon to the gate and lokked it fast. Line 288 ¶ Now litheþ and listeneth bothe yong and olde. And ye schull here gamyn of Gamelyn the bolde. Gamelyn come to þ^e yate for to haue come yn. Than was it schit fast with a pyn. Line 292 Than seide Gamelyn porter vndo the yate. ffor a gode mannes sone stondeþ ther-ate. Than answarde the porter and sware bi goddis berde. Thou ne schalt Gamelyn come in to this yerde. Line 296 Thou lixt seide Gamelyn so broke I my chyn. He smote the wiket with his foot and brake a-waye the pyn. [Harl. 1758 folio 49a] The porter sigh tho it myght no better be. He sette foot on erthe and be-gan to flee. Line 300 Be my fay seide Gamelyn that traueile is lore. ffor I am on foote as light as thou haddist it swore Gamelyn ouer-toke the porter and his tene wrake. And girt hym in the nekke that the boon to-brake. Line 304 And toke hym by that one arme and threwe hym in a welle./ .Vij.^C. fadome it was depe as I haue herd telle. Whan Gamelyn the yong thus had pleide his plaie. Alle that in the yeerde were drowen hem a-waie. Line 308

Line 308 Thei dredyn hym full sore for werke that he wrought. And for the faire companye that he thider brought. Gamelyn yede to the yate and lete it vp wide. He lete yn alle that gone wolde or ride. Line 312 And seide ye be welcome with-out any greue. ffor we will be maisters here and axe no man leue. Yestirday I left seide yong Gamelyne. In my brother seler fyue toun wyne. Line 316 I will not this companye parten on twyn. And ye will don aftir me while sope is ther-yn. And if my brother gruche or make foule chere. Other of spence of mete and drynke that we spende here. I am our catour and bere our alther purs. He schall haue for his grucchyng seynt Marie curs. Mi brother is a nygon I swere be cristes ore. And we will spende largely that he hath sparid yore. Line 324 And who that maketh grucchyng that we here dwelle. He schall to the porter in to the draw welle. Vij. daies and .vij. nyght Gamelyn helde his fest. With moche solace was there and non chest. Line 328 In a litell toret his brother lay steke. And sigh hem waste his good and dorst not speke. ¶ Erly in a mornyng on the .viij. day. The gestis come to Gamelyn and wolde gone here way. Line 332 Lordis seide Gamelyn will ye so hye. All the wyne is not yet dronke so broke I myn eye. Gamelyn in his herte was full wo. When his gestis toke here leue fro hym for to go. Line 336 He wolde thei had dwellid lenger and thei seide nay. But bi-taught Gamelyn god and good day. Thus made Gamelyn his fest and brought it well to ende. And after his gestis toke leue to wende. Line 340 ¶ Litheth and listenyth and holdith your tonge. And ye schull here gamen of Gamelyn the yonge. Herkenyth lordyngis and listneth a-right. When alle gestis were gone how Gamelyn was dight./ Line 344

Line 344 All the while that Gamelyn helde his mangerie. [Harl. 1758 folio 49b] His brothir thought on hym be wreke with his trecherie. Tho Gamelyns gestis were riden and gone. Gamelyn stood a-none allone frend had he none. Line 348 Tho aftir fell sone with-yn a litill stonde. Gamelyn was taken and full hard bonde. fforth come the fals knyght out of the solere. To Gamelyn his brother he yede full nere. Line 352 And seide to Gamelyn who made the so bolde. ffor to stroien my stour of my housholde. Brother seide Gamelyn wrath the right noght. ffor it is mony day gone sith it was boght. Line 356 ffor brother þ^e profite/ thou hast had be seynt Richere. Of .xv. plowes of londe this sixtene yere. And of alle the bestis thou hast forth bredde. That my fadir me bi-quath on his deth bedde. Line 360 Of all this sixtene yere I yeue the the prowe. ffor the mete and the drynke that we haue spendid nowe. Than seide the fals knyght euyll mote he the. Herken brother Gamelyn what I will yeue the. Line 364 ffor of my body brother here geten haue I non. I will make the myn eire I swere bi seynt Iohn. Parfay seide Gamelyn and it so be. And thou thynkist as thou seist god yelde it the. Line 368 No thyng wist Gamelyn of his brother gile. Therfore he hym bi-giled in a litill while. Gamelyn seide he oo thyng I the telle. Tho thou threwe my porter in the drawe welle. Line 372 I swoor in that wrath and in that gret moote. That thou schuldist be bounde both hond and foote. . . . . . . . . . . [no gap in the MS.] Line 376 ffor to holden myn a-vow as I the bi-hote. To ben myn heire of londe hous and cote. Brother seide Gamelyn as mote I the. Thou schalt not be for-swore for the loue of me. Line 380

Line 380 Tho maden thei Gamelyn to sitte for he schulde not stonde. Till thei had hym bounde bothe foot and honde. The fals knyght his brother of Gamelyn was a-gast. And sent aftir feters to feteren hym fast. Line 384 His brother made lesyngis on hym there he stood. And tolde hem that comen yn that Gamelyn was wood. Gamelyn stode to a post bounden in the halle. Tho that comen yn lokid on hym alle. Line 388 Euer stood Gamelyn euyn vp right. But mete ne drynke had he non neither day ne nyght. Than seide Gamelyn brother be myn hals. Now I haue a-spied thou art a parti fals. Line 392 Had I wist the treson that thou hast founde./ I wolde haue yeue strokis or I had be bounde. [Harl. 1758 folio 50a] Gamelyn stoed bounde stille as ony stoon. Two daies and two nyghtis mete had he noon. Line 396 Than seide Gamelyn that stoed y-bounde strong. Adam spenser me thynketh I fast to long. Adam spenser now I beseche the. ffor the moche loue my fadir loued the. Line 400 Yf thou may come to the keys lese me out of bond. And I will parte with the of my fre lond. Than seide Adam that was the spenser. I haue seruyd thi brother this .xvj. yere. Line 404 Yf I lete the goon out of his boure. He wolde saie aftirwarde I were a traitoure./ Adam seide Gamelyn so brok I myn hals. Thou schalt fynde my brother at the last fals. Line 408 Therfore brother Adam lose me out of bondis. And I will parte with the of my fre londis. Vp suche forward seide Adam y-wis. I will do ther-to all that in me is. Line 412 Adam seide Gamelyn as mote I the. I will holde the couenaunt and thou will helpe me. A-noon as Adams lord to bedde was goon. Adam toke the keyes and lete Gamelyn out a-noon. Line 416

Line 416 He vnlokked Gamelyn bothe hondis and feet. In hope of auauncement that he hym bi-heet. Than seide Gamelyn thankid be goddis sonde Now I am lose bothe foot and honde. Line 420 Had I now eten and dronken a-right./ Ther is noon in this hous schulde bynde me this nyght. Adam toke Gamelyn as stille as ony stoon. And lad hym in to spense raply a-noon. Line 424 And sette hym to soper right in a pryue stede. He bad hym do gladly and Gamelyn so dide. A-noon as Gamelyn had eten well and fyne. And therto dronken well of the rede wyne. Line 428 Adam seide Gamelyn what is now thi reed. Or I go to my brother and gird of his heed./ Gamelyn seide Adam it schall not be so. I con teche the a rede that is worth the two. Line 432 I wote well for sothe that this is no nay. We schull haue a mangerie right on sonday. Abbotes and priours mony here schall be. And other men of holy chirche as I telle the. Line 436 Thou schalt stonde vp bi the post as thou were bound fast. And I schall leue hem vn-loke that a-weie thou may hem cast./ Whan that thei haue eten and waschen here hondis. Thou schalt biseke hem alle to bryng the out of bondis. And if thei will borow the that were good game. [Harl. 1758 folio 50b] Than were thou out of prison and I out of blame. And if eche of hem saie to vs nay. I schall do a nother/ I swere be this day. Line 444 Thou schalt haue a good staf and I will haue a nother/ And cristes curs haue that oon that faileth that other/ Ye for god seide Gamelyn I say it for me. If I faile on my side yuell mote I the. Line 448 Yf we schull algate assoile hem of here synne. Warne me brother Adam whan we schull be-gynne. Gamelyn seide Adam be seynt charite. I will warne the biforne whan it schall be. Line 452

Line 452 Whan I wynk on the loke for to gone. And cast a-weie thi feters and come to me a-none. Adam seide Gamelyn blessid be thy bones. That is a good counseile yeuen for the nones. Line 456 Yf thei warne me to bryng me out of bendis. I will sette good strokes right on here lendis. Tho the sonday was comen and folke to the feste. ffaire thei were welcomed bothe leste and meste. Line 460 And euer as thei at halle dore come yn. Thei cast here ye on yong Gamelyn. The fals knyght his brother full of trecherie. Alle the gestis that ther were at the mangerie. Line 464 Of Gamelyn his brother he tolde hem with mouth. All the harme and the schame that he telle couth. Tho thei were seruyd of messis two or thre. Than seide Gamelyn how serue ye me. Line 468 It is noght well seruyd bi god that all made. That I sitte fastyng and other men make glade. The fals knyght his brother ther as he stood. Tolde alle gestis that Gamelyn was wood. Line 472 And Gamelyn stood stille and vnswared right noght. But Adams wordis he helde in his thoght. Tho Gamelyn gan speke deolfully with alle. To the gret lordis that seeten in the halle. Line 476 Lordis he seide for cristes passion. Helpe to bryng Gamelyn out of prison. Than seide an Abbot sorow on his cheke. He schall haue cristes curs and seynt maries eke. Line 480 That the out of prison beggith or borow. But euer worth hym well that doth the moche sorow. Aftir that abbot than spake a nother. I wolde thyn heed were of theigh thou were my brother. Alle that the borow foule mote hem falle. Line 485 Thus thei seiden alle that were in the halle. Than seide a priour euyll mote he preue. It is gret sorow and care boy thou art on lyue. [Harl. 1758 folio 51a]

Ow seide Gamelyn so broke I my bone. Line 489 Now I haue spied that frendis haue I none. Cursed mote he worth both flesch and blood. That euer doth priour or Abbot any good. Line 492 Adam the spenser toke vp the cloth. And loked on Gamelyn and sigh that he was wroth. Adam on the pantrie litill thoght. But two good staues to the halle dore he broght. Line 496 Adam loked on Gamelyn and he was ware a-none. And cast a-weie the feters and bi-gan to gone. Tho he cam to Adam he toke the oon staf. And bigan to worche and good strokes yaf. Line 500 Gamelyn come in to the halle and Adam spenser bothe. And lokid hem a-boute as thei had ben wrothe. Gamelyn spreyneth holi water with a Oken spire. That some that stood vp right fell in the fire. Line 504 Ther was no lewid man that in the halle stood. That wolde do Gamelyn any thyng but good. But stodyn be siden and lete hem both wirche. ffor thei had no reweth of men of holi chirche. Line 508 Abbot or priour Monk or Chanoun. That Gamelyn ouertoke a-noon thei yeden doun. Ther was non of alle that with his staf mette. That he made hem ouerthrowe and quyt hem his dette. Line 512 Gamelyn seide Adam for seynt charite. Paie good lyueray for the loue of me. And I will kepe the dore so euer here I masse./ Er thei ben assoiled ther schall noon passe. Line 516 Doute the noght seide Gamelyn while we ben in fere. Kepe thou well the dore and I will worche here. By-stere the good Adam and let ther non fle. And we schull telle largely how mony that ther be. Line 520 Gamelyn seide Adam do hem but good. Thei ben men of holy chirche drawe of hem no blood. Saue well the crowne and do hem no harmes. But breke both her leggis and sithen her armes. Line 524

Line 524 Thus Gamelyn and Adam wroght right fast. And pleide with the monkis and made hem a-gast. Thider thei come rydyng ioly with swaynes. And home a-yen thei were lad in cartis and waynes./ Line 528 Tho thei hadden alle y-doo. then seide a gray ffrere. Alas sir Abbot what dide we now here. Tho that we comen hider/ it was a colde reede. Vs hadde ben better at home with water and with breede. While Gamelyn made ordris of monkis and frere. Line 533 Euyr stood his brother and made foule chere. Gamelyn vp with his staf that he well knew. [Harl. 1758 folio 51b] And girt hym in the nek that he ouer threw. Line 536 A litill a-boue the girdill the rigge boon to-brast. And sette hym in the feters ther he satt arst. Sitte there brother seide Gamelyn. ffor to colen thi body as I dide myn. Line 540 As swithe as thei haddyn wroken hem on her foon. Thei asked water and waschen a-noon. What some for her loue and some for her awe. Alle the seruauntis serueth hem of the best lawe. Line 544 ¶ The Schereue was thenne but fyue myle. And all was tolde hym in a litell while. How Gamelyn and Adam haden doone a sory res. Bounden and wounden men a-yens the kyngis pes. Line 548 Tho bi-gan sone strif for to wake. And the Schireue a-boute Gamelyn for to take. ¶ Now litheþ and listneth so god yeue you good fyne. And ye schull here good game of yong Gamelyne. Line 552 ffoure and twenti yong men that helden hem full bolde. Come to the schireue and seide that thei wolde. Gamelyn and Adam fette bi her fay. The Schirreue yeue hem leue soth for to say. Line 556 Thei hyeden fast wolde thei not lynne. Till thei come to the gate there Gamelyn was ynne. Thei knokkeden on the gate the porter was nyghe. And lokid out at an hole as man that was slighe. Line 560

Line 560 The porter had biholde hem a litull while. He louyd well Gamelyn and was drad of gile. And lete the wiket stond full stille. And asked hem with-oute what was here wille. Line 564 ¶ ffor alle the gret companye than spak but oon. Vndo the gate porter and lete vs yn goon. Than seide the porter so brouke I my chyn. Ye schull saie your erand yer ye come yn. Line 568 Saie to Gamelyn and Adam yf theire will be We will speke with hem two wordes or thre. ffelaw seide the porter stonde there stille. And I will wende to Gamelyn to wite his wille. Line 572 In wente the porter to Gamelyn a-noon. And seide sir I warne you here be comen your foon. The Schereuys men ben atte the gate. ffor to take you both schull ye not scape. Line 576 Porter seide Gamelyn so mote I well the. I will allow the thi wordis when I my tyme se. Go a-geyn to the gate and dwelle with hem a while. And thou schalt se right sone porter a gile. Line 580 Adam seide Gamelyn loke the to gone. We haue foo-men atte yate and frendis neuer one. [Harl. 1758 folio 52a] Hit ben the Schereuys men that hider ben come. Thei be swore to-gider that we schall be nome. Line 584 Gamelyn seide Adam hye the right blyue. And if I faile the this day euyll mote I thryue. And we schull so welcome the Schereuys men. That some of hem schall make here beddis in the fen. Line 588 At a posterne gate Gamelyn out went. And a good cartstaf in his honde hent. Adam hent sone a nother gret staf. ffor to helpen Gamelyn and good strokis yaf. Line 592 Adam fell tweyne and Gamelyn fell thre. The other sette feet on erthe and bi-gan to fle. What seide Adam so euyr here I masse I haue right good wyne drynke or ye passe. Line 596

Line 596 Nay bi god seide thei thi drynke is not good. It wolde make a mannes brayn to lyen in his hood. Gamelyn stood stille and lokid hym a-boute. And seide the schereue cometh with a gret route. Line 600 Adam seide Gamelyn what ben now thi redis. Here cometh the schereue and will haue our hedis. Adam seide to Gamelyn myn rede is now this. A-bide we no lenger lest we fare a-mys. Line 604 I rede that we to wode gone or that we be founde. Better is there louse than in towne be bounde. Adam toke bi the honde yong Gamelyne./ And euery of hem drank a draught of wyne./ Line 608 And after token her cours and wenten her way. Tho fonde the schereue nest but non ay. The schereue light doun and wente in to halle. And fonde the lorde feterid fast with alle. Line 612 The schereue vnfeterid hym right sone a-noon. And sent aftir a leche to hele his rigge boon. ¶ Lete we now the fals knyght lie in his care. And talke we of Gamelyn and loke how he fare. Line 616 Gamelyn in to the wode stalkid stille. And Adam spenser liked this ille. Adam swore to Gamelyn be seynt Richere. Now I se it is mery to be a spensere. Line 620 That leuyr me were keies to bere. Than walken in this wilde wode my clothis to tere. Adam seide Gamelyn dismay the right nought. Mony a good mannys childe in care is brought. Line 624 As thei stood talkyng bothen in fere. Adam herde talkyng of men and nygh hem thought thei were. Tho Gamelyn vndir wode lokid a-right. Seuyn score of yong men he sigh well dight. Line 628 Alle sate at the mete compas a-boute. [Harl. 1758 folio 52b] Adam seide Gamelyn now haue I no doute. After bale cometh bote thorogh goddis myght. Me thynke of mete and drynke I haue a sight. Line 632

Line 632 Adam loked tho vndir wode bough. And tho he say mete and he was glad y-nough. ffor he hoped to god to haue his dele. And he was sore a-longed after a good mele. Line 636 As he seide that worde the maister outlawe. Saugh Adam and Gamelyn vndir wode schawe. Yonge men seide the maister bi the good rode. I am war of gestis god sende vs gode. Line 640 Yonde ben two yonge men well a-dight. And perauenture ther ben more who so lokid a-right. A-riseth vp yong men and fette hem to me. It is good that we witen what men thei be. Line 644 Vp ther stertyn seuene fro the dyner. And metten with Gamelyn and Adam spenser. Whan thei were nyghe hem than seide that one. Yeldeth vp yonge men your bowes and your flone. Line 648 Than seide Gamelyn that yong was of elde. Moche sorow mote thei haue that to you hem yelde. I course non other but right my selue. Thei ye fette to you fyue than be ye twelue. Line 652 Tho thei herde bi his worde that myght was yn his arme. Ther was non of hem that wolde do hem harme. But seide to Gamelyn myldely and stille. Come a-fore our maister and say to hym thi wille. Line 656 Yonge men seide Gamelyn be your lewte. What man is your maister that ye with be. Alle thei answerde with-oute lesynge. Our maister is crowned of outlawis kynge. Line 660 Adam seide Gamelyn go we in cristes name. He may neither mete ne drynke werne vs for schame. Yf that he be hende and come of gentill blood. Line 663 He will yeue vs mete and drynke and do vs some good. Be seynt Iame seide Adam what harme that I gete. I will auenture me that I had mete. Gamelyn and Adam went forth in fere. And thei grette the maister / that thei fonde there. Line 668

Line 668 ¶ Than seide the maister / kyng of outlawes. What seke ye yonge men vndir wode schawes. Gamelyn answerde. the kyng with his crowne. Line 671 He most nedis walke in felde that may not walke in towne. Sire we walke not here non harme to do. But if we mete a deer to schete therto. As men that ben hungry and mow no mete fynde. ¶ And ben hard be-stad vndir wode lynde. [Harl. 1758 folio 53a] Line 676 Of Gamelyn wordis the maister had reuthe. And seide ye schall haue y-nogh haue god my treuthe. He bad hem sitte doun for to take reste. And bad hem ete and drynke and that of the beste. Line 680 As thei eten and dronken well and fyne. Than seide oon to a nother this is Gamelyne. Tho was the maister outlawe in to counseile nome./ And tolde how it was Gamelyn that thider was come. Line 684 A-non as he herde how it was be-falle. He made hym maister vndir hym ouer hem alle. With-yn the thrid wike hym come tithyng. Tho the maister outlawe that was her kyng. Line 688 That he schulde come home his pees was made. And of that good tithyng he was full glade. Tho seide he to his yong men soth for to telle. Me ben comen tithynges I may no lenger dwelle/. Line 692 Tho was Gamelyn a-non with-oute tariyng. Made maister outlawe and crowned her kyng. Tho was Gamelyn crowned kyng of outlawes. And walkid a while vndir wode schawes. Line 696 ¶ The fals knyght his brother was schereue and sire. And lete his brother endite for hate and for hire. Tho were his bonde-men sory and no thyng glade. Line 699 When Gamelyn her lorde wolfes heed was cried and made. And sent out of his men where thei myght hym fynde. ffor to go seke Gamelyn vndir wode lynde. To telle hym tithyng the wynde was went. All his good reuyd and alle his men schent. Line 704

Line 704 Whan thei hadden hym founde on knees thei hem setten. And a-doun with here hood and her lorde gretten. Sir wrath yow nought for the good rode. ffor we han brought you tithyng but thei be not gode. Line 708 Now is thi brother schereue and hath the baillie. And hath endited the and wolfes heed doth the crie. Allas seide Gamelyn that euer I was so slak. That I ne had broke his nekke tho I his rigge brak. Line 712 Goth greteth well boþe/ housbonde/ and wif. I will be at the next schire haue god my lyf. Gamelyn cam redy to the next schire. And ther was his brother both lorde and sire. Line 716 Gamelyn boldely come in to the mote halle. And put a-doun his hood amonge the lordis alle. God saue you lordynges that here be. But broke bak schereue euyll mote thou the. Line 720 Whi hast thou do me that schame and vilonye. ffor to late endite me and wolfesheed do me crie./ Tho thought the fals knyght for to ben a-wreke. [Harl. 1758 folio 53b] And let Gamelyn most he no thyng speke. Line 724 Might ther be no grace but Gamelyn at the last. Was cast in prison and feterid fast./ Gamelyn hath a brother/ that hight sir Ote. As a good a knyght and hende as myght gon on fote. Line 728 A-non yede a messager to that good knyght. And tolde hym all to-gider how Gamelyn was dight. A-non as sire Ote herde how Gamelyn was dight. He was right sory was he no thyng light. Line 732 And lete sadill a stede and the way he name. And to his tweie bretheryn right sone he came. Sire seide sir Ote to the schereue tho. We ben but thre bretheren schull we neuer be mo. Line 736 And thou hast prisoned the best of vs alle. Suche a nother brother euyll mote hym bi-falle. Sir Ote seide the fals knyght late be thi curs/. By god for thi wordis he schall fare the wurs. Line 740

Line 740 To the kyngis prison he is y-nome. And there he schall a-bide till the iustice come. Parde seide sir Ote bettir it schall be. I bid hym to maympris that thou graunte me. Line 744 Till the next sittyng of delyueraunce. And late than Gamelyn stonde to his chaunce. Brother in suche a forwarde I take hym to the. And by my fadris soule that the bigat and me. Line 748 But he be redy whan the iustice sitte./ Thou schalt bere the iugement for all thi gret witte. I graunte well seide sir Ote that it so be. Late delyuer hym a-non and take hym to me. Line 752 Tho was Gamelyn delyuered to sir Ote his brother. And that nyght dwellid the oon with the other. On the morowen seide Gamelyn to sir Ote the hende. Brother he seide I mote for sothe fro you wende. Line 756 To loke how my yong men leden here lyf. Whethir thei lyuen in ioy or ellis in strif. By god seide sir Ote that is a colde rede. Now I see that alle the carke schall fall on my hede. Line 760 ffor whan the Iustice sitte and thou be not founde. I schall a-non be take and in thi stede y-bounde. Brother seide Gamelyn dismaie the noght. ffor bi seynt Iame in Galis that mony man hath soght. Line 764 Yf that god Almyghty holde me my lyf and my witte. I will be redy whan the iustice sitte. Than seide sir Ote to Gamelyn god schilde the fro schame. Come when thou seist tyme and bryng vs oute of blame. Litheth and listneth and hold yow stille./ Line 769 And ye schull here how Gamelyn had his wille. [Harl. 1758 folio 54a] Gamelyn wente vndir wode rys. And fonde ther plaiyng yong men of prys. Line 772 Tho was yong Gamelyn right glad y-noghe. When he fonde his men vndir wode boghe. Gamelyn and his men talkeden in fere. And thei had good game here maister to here. Line 776

Line 776 His men tolde hym of auenturis that thei had founde. And Gamelyn hem tolde a-yen how he was fast bounde. While Gamelyn was outlawe had he no cors. Ther was no man that for hym ferde the wors. Line 780 But Abbotis and priours monk and Chanon. On hem left he noght when he myght hem nome. While Gamelyn and his men made myrthes ryue. The fals knyght his brother euyll mote he þryue. Line 784 ffor he was fast a-boute bothe day and other. ffor to hire the quest to hangen his brother/ ¶ Gamelyn stood on a day and behelde. The wodis and the schawis and the wilde filde. Line 788 He thought on his brother how he hym be-hette. That he wolde be redy whan the iustice sette. He thought well he wolde with-oute delay. Come a-fore the iustice to kepen his day. Line 792 And seide to his yong men dighteth you yare. ffor whan the iustice sitte we moste be thare. ffor I am vndir borow till that I come. And my brother for me to prison schall be nome. Line 796 Be seynt Iame seide his yong men and thou rede therto. Ordeyne how it schall be and it schall be do. While Gamelyn was comyng ther the iustice satte. The fals knyght his brother for-yate he not that. Line 800 To hire the men on his quest to hangen his brother. Thogh thei had not the oon thei wolde haue the other. Tho come Gamelyn fro vndir the wode rys. And broght with hym yong men of prys. Line 804 I se well seide Gamelyn the Iustice is sette. Go a-forn Adam and loke how it spette. Adam went in to the halle and loked all a-boute. He sigh ther stonde lordis grete and stoute. Line 808 And sir Ote his brother feterid full faste. Tho went Adam oute of halle as he were a-gaste. Adam seide to Gamelyn and to his felawis alle. Sir Ote stant feterid in the mote halle./ Line 812

Line 812 . . . . . . . . . . [no gap in the MS.] Yf god yeue vs grace well for to do. He schall it a-bigge that it brought ther-to. Line 816 Than seide Adam that lokkes had hore./ Cristes curs mote he haue that hym bond so sore. And thou wilt Gamelyn do aftir my rede. [Harl. 1758 folio 54b] Ther is non in the halle schall bere a-wey his hede. Line 820 Adam seide Gamelyn we will not do so. We will sle the giltif and late the other go. I will in to the halle and with the Iustice speke. On hem that ben giltif I will ben a-wreke. Line 824 Lete non scape at the dore take yong men yeme ffor I will be Iustice this day domes to deme. God spede me this day at my newe werke. Adam come with me for thou schalt be my clerke. Line 828 His men vnswareden hym and bad hym done his beste. And if thou to vs haue nede thou schalt fynde vs preste. We will stonde with the while that we may dure. And but we wirken manly pay vs non hure. Line 832 Yonge men seide Gamelyn so mote I well the./ As trusti a maister ye schall fynde me. Right there the Iustice satte in the halle In went Gamelyn amongis hem alle. Line 836 Gamelyn lete vnfeter his brother out of bende. Than seide sir Ote his brother that was hende. Thou haddist almost Gamelyn dwellid to longe. ffor the quest is oute on me that I schulde be honge. Line 840 Brother / seide Gamelyn so god yeue me good rest. This day thei schull ben hanged that ben on the quest. And the Iustice bothe that is the Iuge man. And the schereue bothe thorgh hym it be-gan. Line 844 ¶ Than seide Gamelyn to the Iustice. Now is thi power done thou most nedis rise. Thou hast yeuyn domyb that ben yuell dight. I will sitten in thi sete and dressen hem a-right. Line 848

Line 848 The Iustice sate stille and ros not a-non. And Gamelyn in haste cleuyd his cheke bon. Gamelyn toke hym in his armys and no more spak. But threw him ouer the barre and his arme brak. Line 852 Durst non to Gamelyn saie but good. ffor ferd of the companye that with hym oute stood. Gamelyn sette hym doun in the Iustice sete. And sir Ote his brother bi hym and Adam at his fete. Line 856 Whan Gamelyn was sette in the Iustice stide. Herken of a bourde that Gamelyn dide. He lete feter the Iustice and his fals brother/ And lete hem come to the barre that oon with that other/./ Tho Gamelyn had thus done had he no rest. Line 861 Till he had enquerid who was on the quest. ffor to demyn his brother sir Ote for to honge. Er he wiste whiche thei were hym thoght full longe. Line 864 But as sone as Gamelyn wiste where thei were. He dide hem euerychon feter in fere. [Harl. 1758 folio 55a] And bryngen hem to the barre and setten hem in rewe. Be my feith seide the Iustice the schereue is a schrewe. Than seide Gamelyn to the Iustice. Line 869 Thou hast yeue domes of the worste assise. And the .xij. sisouris that weren on the quest. They schull be hangid this day so haue I good rest. Line 872 Than seide the schereue to yong Gamelyn. Lorde I crie the mercy brother art thou myn. Therfore seide Gamelyn haue thou cristes curs. ffor and thou were mayster yet schulde I haue wurs. Line 876 ffor to make schort tale and noght to longe. He ordeyned hym a quest of his men so stronge. The Iustice and the schereue bothe hangid hye. To weyuen with the ropis and with the wynde drye. Line 880 And the .xij. sisours sorw haue that rekke. Alle thei were hangid fast bi the nekke. ¶ Thus endid the fals knyght with his trechery. That euyr had lad his lif in falsnes and foly. Line 884

Line 884 He was hanged bi the nekke and not bi the purs. That was the mede that he had for his fadirs curs. Sir Otes was eldist and Gamelyn was yong. Wenten to here frendis and passedyn to the kyng. Line 888 Thei maden pees with the kyng of the best sise. The kyng loued well sir Ote and made hym Iustice. And after the kyng made Gamelyn in Este and in west. Chief Iustice of his fre forest. Line 892 Alle his wight yong men the kyng for-yaf here gilt. And sithen in good office the kyng hath alle hem pilt. ¶ Thus wan Gamelyn his londe and his lede. And wreke hym on hys enemyes and quyt hem here mede. And sir Ote his brother made hym his heier./ Line 897 And sithen weddid Gamelyn a wif good and feier. Thei lyueden to-gider / while that crist wolde. And sithen was Gamelyn grauen vndir molde. Line 900 And so schall we alle may ther no man fle. God bryng vs to the ioy that euyr schall be. [6-text p 301]

here endith the Cokis tale./