[A 115,3-117,13] æfter odre to cosse & to husle & be þam on chore stande & sealmes & ȝehwylce þenunȝe beȝynne; on nane stowe ne sy endebyrdnes be nanre ylde ȝediht, ne þeo yld þa ȝeoȝude ne forþrinȝe, fordi Samuel & Daniel cildȝeonȝe for ealdedum preostum demdon. Fordi þonne, buton þam anum, þe for heora leahtrum of hyre endebyrdnysse uttor asceofene syn, odde for haliȝes lifes ȝeearnunȝe innor beod ȝenumene, ælc oder, ofer|ylde & ȝeoȝede, healde hyre endebyrdnesse, swa swa hiȝ ȝe|cyrde, swilce ic þus cwede: Gyf twa on ane dæȝe to mynstre ȝecyrrad, sy þeo furdor on ælcere endebyrdnesse, þe on þære forme tide þæs dæȝes com, þonne þeo þe on þere odre tyde [forme] forne Hs.] cymd, sy heo on swilcere ylde odde ȝeþincde, swilce heo sy.
Ða ȝingran fordi arwurdan hyra yldran, & þa yldran lufia [folio 127b] heore ȝingran. Ne ȝedyrstlece heore nan, þ̱ heo odre aȝe|num naman synderlice clypie, ac þa yldre þa yngre swustre æfre clypien, & þa ȝyngran nonnas clypien hyre yldre, þ̱ is: moderlic arwurdfullunȝ, odde lief & arwesa. Ðeo abbodesse fordi, þ̱ heo Godes spelia is, sy hlæfedie & moder ȝehaten, na for hyre aȝene ȝeþinde, ac for Cristes arwurdnesse & þæs lufe, þ̱ heo spelad. Heo æfre þæncend beo & hy swilce on haliȝre dro htnunȝe ȝeȝearwye, þat heo sy wurde swa myceles wyrd|scypes. Swa hwar swa þa ȝeswustre hiȝ ȝemetad, æfre þeo ȝingre bletsunȝe abidde fram þære yldre. Gyf þeo yldre fordga, þær þeo ȝeonȝre sitt, arise þeo ȝeonȝe mid eadmodnesse & þære yldre lufelice ryme to setle; ne ȝedyrstlece þeo ȝingre þ̱ heo mid þære yldre sitte, bute heo hi hate, þ̱ æfre beo ȝe|halden, þ̱ on haliȝum bocum awriten is, þ̱ is, þ̱ hiȝ heom be|twenan arwurdnesse healden and mid earwurdnesse hi ȝemetan.
Ða child & þeo ȝeoȝad mid styre & þeowfæstnesse hyre endebyrdnesse filian, ȝe on cyrican ȝe on beodderne; beon hiȝ æfre behealdene mid steore & mid michelre heordrædenne, æider ȝe inne, ȝe ute, ȝe æȝhwer, od þ̱ hi to andȝytolre ylde & to fulfremedre ȝestædþiȝnesse becumen.
