LXVIII. BE ÞAM ȜESWUSTRE ÞE HEFITUME WICE BYD BETÆHT.

Gyf æniȝ hefityme odde unacumelic þinȝ æniȝre swuster betæht byd, underfo heo þa hese hyre tæcendes mid ealre man|þwærnesse & mid eadmodre ȝehyrsumnisse; gyf heo þonne sydde eallunge ȝefret, þ̱ þære byrdene hefinesse oferstihd þ̱ ȝemet hyre strængde, eft on ȝeþafenlice tide hyre mæȝenleaste hyre ealdre ȝekyde þonne intinȝe, hwi heo hit do ne meȝ, na mid modiȝnesse ne mid widerspece widstande. Gyf syden þæs ealdres cwide þurhwunad & on hyre ȝebod aheardad, wite [folio 134b] þeo ȝinȝra mid ȝewissa, þ̱ hit heore eall fremad, & mid sodre lufe þurh Godes truwan þa hyrsumnesse beȝinne, þeah hyre nehwon onhaȝiȝe.