Page [unnumbered]
NUMBERS.
[Prologue on the book of Numbers.]
THIS book clepid Numeri, that is to seie, the book of Noumbre, makith mencioun, how the Lord comaundide Moises and Aaron to noumbre the sones of Israel bi her names writen, alle men that weren fro twenti ȝeer and aboue, of stronge men and able to batel. Sothli the Leuytis weren not noumbrid with hem, bi the comaundement of the Lord, but bi hem self in to the seruyse of the tabernacle. And the Lord comaundide to Moises to sende aspiers to biholde the lond of Canaan, of ech lynage o man; whiche whanne thei hadden biholde, and weren comen aȝen, discomforteden al the peple, out taken Josue and Caleph, whiche aȝenseiden the othere aspiers. And al the peple mournede and wepte, wherfore the Lord turnede hem aȝen in to desert, and seide, that noon of tho that weren noumbrid scholde come in the lond of Canaan, but Josue and Caleph; but walke aboute in wildernesse fourti ȝeer, and deie therinne; and after fourti ȝeer the sones of hem, that weren not noumbrid, scholden entre, and welde the lond. Also of alle dissenciouns that bifellen in the desert, and veniaunces of the peple, and how thei wunnen al the londe biȝende Jordan; and of the deeth of Aaron; and how the peple was noumbrid eftsone by Moises and Eleasar prest; and the Lord bad Moises to take veniaunce of the peple of Madian, and thanne he scholde be gaderid to his peple. Here endith the prologe and here bigynneth the book of Numeri [This Prologue is from M.] .
[Here bigynneth the boke of Numeri [Numeri E. Here bigynneth Numeri. LPQ. No initial rubric in CDFGKM NORSTWX.] .] CAP. I.
[verse 1] AND the Lord spak to Moises in the deseert of Synay, in the tabernacle of the [Om. plures.] boond of pees, in the firste day of the se|counde monethe, in the tother ȝeer of her [verse 2] goyng out of Egipt, and seide [he seide IS.] , Take ȝe `the summe [noumbre S.] of al the congregacioun of the sones of Israel, bi her kynredis, and howsis [meynees IS.] , and `the names of alle [alle her names ech IS.] bi hem silf, what [verse 3] euer thing is [Om. IS.] of male kynde fro the [Om. IS.] twentithe ȝeere and aboue, of [and A pr. m.] alle the stronge men of Israel; and thou and Aa|ron