The Holy Bible, containing the Old and New Testaments, with the Apocryphal books,

CAP. II.

[verse 1] Aftir these thingis a man of `the hows of Leuy [Leuy hous IS.] ȝede out, and took a wijf [took a wiyf into fleisly cou|pling: for sche was his wiyf bi|fore, and hadde childid Aaron and Marie his sister. Lire here. BCGKQ.] of his [verse 2] kyn, which [the which I.] conseyuede, and childide [childe EP.] a sone. And sche [the modir IS.] seiȝ hym wel farynge, and hidde him [Om. BCDEGLMNOPX] bi [Om. IKS.] thre monethis. [verse 3] And whanne sche myȝte not hele [hele him lengre IS.] , thanne sche took a `leep of segge [leep of seggis ELP. segge leep IS.] , and bawmede [clemede IMW.] it with tar [coode I.] and [Om. ELP.] pitch, and puttide [putte FMW. sche putte IS.] the ȝong child with ynne, and puttide [putte FIMS.] hym forth in a `place of spier [flaggy place IS.] of the brenke of the [verse 4] flood, the while his sistir stood afer, and bihelde the bifalling [auenture I. fallinge S.] of the [this I.] thing. [verse 5] Lo! forsothe the douȝtir of Farao cam doun to be waischun in the flood, and hir damysels walkiden bi the brenke of the flood. And whanne sche hadde seyn a leep in the `place of spier [flaggy place IS.] , sche sente oon of hir ser|uauntessis [damesels IS.] , [verse 6] and sche openyde the leep brouȝt to hir, and seiȝ [sche sawȝe IS.] a litil child wep|ynge ther ynne. And sche hadde mercy on the child, and seide, It is of the ȝonge children of Ebrews. [verse 7] To whom the `sister of the child [childis sistir IS.] seide, Wolt thou that Y go, and clepe to thee an Ebrew womman, that may nurische the yong child? [verse 8] She an|sweride, Go thou. The damysel ȝede, and clepide the `modir of the child [childis modir IS.] . [verse 9] To whom `the douȝtir of Farao [Pharao douȝtir IS.] spak, and seide, Take thou this [the ELP.] child, and [Om. S.] nurische [nurische it IS.] to me; Y [and Y GKN pr. m.] schal ȝyue to thee thi mede. The womman took, and nurischide the child, and bitook [sche bitook IS.] hym woxun to `the douȝtir of [verse 10] Farao [Farow douȝtre S.] , whom sche purchaside [purchaside or took IS.] `in to [Om. DGKMNO sec. m. QRT.] the place of [in stede of a IS.] sone [a sone A pr. m.] ; and sche clepide his name Moises, and seide, For Y took hym fro the

watir. [verse 11] In tho daies, aftir that Moises en|creesside, he ȝede out to hise britheren, and seiȝ [he seiȝ S.] the turment of hem, and a man Egipcian smytynge `oon of Ebrews [an Ebrew man oon of S.] , hise britheren. [verse 12] And whanne he [Moises S.] hadde bi|holdun hidur and thidir, and hadde seyn, that no man was present, he killide the Egipcian, and hidde [hidde him CKS.] in soond [the soond S.] . [verse 13] And he [Om. E.] ȝede out in another dai, and seiȝ tweyne Ebrews [Ebrew men S.] chidynge, and he [Moises S.] seide to hym that dide wrong, Whi smytist thou thi brother? [verse 14] Which [the which I.] answeride, Who or|deynede thee prince, ether [or ELP passim.] iuge on vs? Whether [wher plures.] thou wolt sle me, as thou kill|idist [slowȝ IS.] ȝisterdai the Egipcian? Moises dredde, and seide, Hou is this word maad opun? [verse 15] And Farao herde this word, and souȝte to sle Moyses, which [the which I.] fledde fro his siȝt [face W.] , and dwellide in the lond of Madian, and sat [he sat IS.] bisidis a pit. [verse 16] Forsothe seuene douȝtris weren to the [a IS.] preest of Madian, that camen to drawe watir; and whanne the trouȝis weren fillid, thei coueitiden to watere `the [Om. GX.] flockis of her fadir [her fadres flockis I. h. fadir f. S.] . [verse 17] Scheep|herdis camen aboue [vpon hem M. vpon W.] , and dreuen hem awei; and Moises roos, and defendide the dameselis; and he watride `the scheep of hem [her scheep I.] . [verse 18] And whanne thei hadden turned aȝen to Jetro, her fadir, he seide to hem, Whi camen ȝe [now IS.] swiftliere [swiftili E. swiftir L.] than ȝe weren wont? [verse 19] Thei answeriden, A man of Egipt delyuerede vs fro the [Om. S.] hond [hondis E.] of scheep|herdis [the scheepherdis I.] ; ferthermore and he drow watir with vs, and ȝaf [he ȝaf IS.] drynk to [Om. IS.] the [vs E.] scheep. [verse 20] And he [Jethro IS.] seide, Where is that man? whi leften ȝe the [that ELP.] man? clepe ȝe hym [that man E.] , that he ete breed. [verse 21] Therfor Moises swoor, that he wolde dwelle with Jetro; and he took a wijf, Sefora, `the douȝter of Jetro [Jethro douȝtre S.] . [verse 22] And sche childide a sone to hym, whom he clepide Gersan, and seide, Y was a comel|yng in an [Om. G.] alyen lond. Forsothe sche childide an othir sone, whom he [she G.] clepide

Eliezer, and seide, For God of my fadir is myn helpere, and delyuerede [he delyuered IS.] me fro the hond of Farao. [verse 23] Forsothe aftir myche tyme the kyng of Egipt diede, and the sones of Israel inwardli weiliden for werkis [noyous werkis IS.] , and crieden [thei crieden IS.] , and the cry of hem for werkis [her werkis IS.] stiede [stei vp I. stiede vp S.] to God. [verse 24] And he herde the weilyng of hem, and he hadde mynde of the boond of pees, which [that IS.] he hadde maad with Abraham, Ysaac, and Jacob; [verse 25] and he bihelde the sones of Israel, and knewe [knewe hem, that is, schewide loue to hem BCGKNQX.] hem.