The Holy Bible, containing the Old and New Testaments, with the Apocryphal books,

CAP. V.

[verse 1] This is the book of generacioun [the generacioun GOXd.] of Adam, in the dai wher ynne God made man of nouȝt. God made man to the [Om. D.] [verse 2] ymage and licnesse of God; God formede hem male and female, and blesside hem, and clepide the name of hem Adam, in the day in which thei weren formed. [verse 3] Forsothe Adam lyuede an hundrid ȝeer and thretti, and gendride a sone to his ymage and liknesse, and clepide his name Seth. [verse 4] And the daies of Adam after that he gendride Seth weren maad eiȝte hun|drid ȝeer [ȝeris I.] , and he gendride sones and douȝtris. [verse 5] And al the tyme in which Adam lyuede was maad nyne hundrid ȝeer and thretti, and he was deed. [verse 6] Also [And EKM.] Seth lyuede an hundrid and fyue ȝeer, and gen|dride Enos. [verse 7] And Seth lyuede aftir that he gendride Enos eiȝte hundrid and seuen ȝeer, and gendride sones and douȝtris. [verse 8] And alle the [Om. ELP.] daies of Seth weren maad nyne hundrid and twelue ȝeer, and he was deed. [verse 9] Forsothe Enos lyuede nynti ȝeer [nynti ȝeer, that is, foure score ȝeer and ten KN.] , and [verse 10] gendride Caynan; aftir whos birthe Enos lyuede eiȝte hundrid and fiftene ȝeer, and gendride sones and douȝtris. [verse 11] And alle the daies of Enos weren maad nyne hundrid and fyue ȝeer, and he was deed. [verse 12] Also Caynan lyuyde seuenti ȝeer, and gendride Malalehel. [verse 13] And Caynan lyuede after that he gendride Malalehel eiȝte hundrid and fourti ȝeer, and gendride sones and douȝ|tris.

[verse 14] And alle the dayes of Caynan weren maad nyn hundrid and ten ȝeer, and he was deed. [verse 15] Forsothe Malalehel lyuede sixti ȝeer and fyue, and gendride Jared. [verse 16] And Malalehel lyuede aftir that he gendride Jared eiȝte hundrid and thretti ȝeer, and gendride sones and douȝtris. [verse 17] And alle the daies of Malalehel weren maad eiȝte hun|drid nynti and fyue ȝeer, and he was deed. [verse 18] And Jared lyuede an hundrid and two and sixti ȝeer, and gendride Enoth. [verse 19] And Jared lyuede aftir that he gendride Enoth eiȝte hundrid ȝeer, and gendride sones and douȝtris. [verse 20] And alle the dayes of Jared weren maad nyn hundrid and twei and sexti ȝeer, and he was deed. [verse 21] Forsothe Enoth lyuede fyue and sixti ȝeer, and gen|dride Matusalem. [verse 22] And Enoth ȝede with God; and Enoth lyuede after that he gen|dride Matusalem thre hundrid ȝeer, and gendride [he gendride N pr. m.] sones and douȝtris. [verse 23] And alle the daies of Enoth weren maad [Om. ELP.] thre hun|dride and fyue and sexti ȝeer. [verse 24] And Enoth ȝeed with God, and apperide not afterward, for God took hym awei. [verse 25] Also Matusalem lyuede an hundrid and `fourscoor ȝeer and seuene [seuene and eiȝti ȝeer BEKLMNOPWX.] , and gendride Lameth. [verse 26] And Ma|tusalem lyuede after that he gendride La|meth seuene hundrid and `fourscoor ȝeer and twei [two and eiȝti ȝeer BE GKLMNOPWX.] , and gendride sones and douȝtris. [verse 27] And alle the daies of Matusale weren maad nyn hundrid and nyn and sixti ȝeer, and he was deed. [verse 28] Forsothe Lameth lyuede an hundrid and `fourscoor ȝeer and two [two and eiȝti ȝeer BE GKLMNOPWX.] , [verse 29] and gendride a sone; and clepide his name Noe, and seide, This man schal comforte vs of the werkis and traueilis of oure hondis, in the loond which the Lord curside. [verse 30] And Lameth lyuede after that he gendride Noe fyue hundrid `nynti and fyue [iiij. score and xv. RT.] ȝeer, and gendride sones and douȝ|tris. [verse 31] And alle the daies of Lameth weren maad seuene hundrid `thre scoor and se|uentene [seuenti and seuen BEGKLMNOPQW.] ȝeer, and he was deed.