The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And so whanne these thingis weren don, it was teld to Joseph, that his fadir was sijk. And he took hise twei sones, Ma|nasses and Effraym, and he disposide to [him to IS.] go. [verse 2] And it was seid to the elde man, Lo! thi sone Joseph cometh to thee; which [the which G.]
was coumfortid, and sat [sat vp IS.] in the bed. [verse 3] And whanne Joseph entride to hym, he seide, Almyȝti God apperide to me in Luza, which [that IS.] is in the lond of Canaan, and [verse 4] blesside me, and seide, Y schal encreesse and [thee and B.] multiplie thee, and Y schal make thee in to cumpanyes of puplis, and Y schal ȝyue to thee this lond, and to thi seed aftir thee, in to euerlastinge possessioun. [verse 5] Ther|for thi twei sones, that ben borun to thee in the lond of Egipt bifore that Y cam hidir to thee, schulen be myne, Effraym and Manasses as Ruben and Symeon [verse 6] schulen be arettid to me; forsothe the othere [tothere K.] whiche thou schalt gendre [gete I.] aftir hem schulen be thine; and thei schulen be clepid bi the name of her britheren in her possessiouns [possessioun E.] . [verse 7] Forsothe whanne Y cam fro Mesopotamye, Rachel was deed to me in the lond of Canaan, in thilke weie; and it was the [Om. E. in the G.] bigynnyng of somer [the somer DN pr. m. QRTX sec. m.] ; and Y entride in to Effrata, and beriede [briede A. I beriede IS.] hir bi|sidis the weie of Effrata, which [the which I.] bi an|othir name is clepid Bethleem. [verse 8] Forsothe Jacob seiȝ the sones of Joseph, and seide [he seide IS.] to him, Who ben these? [verse 9] He answeride, Thei ben my sones, whiche [that IS.] God ȝaf to [Om. IS.] me in this place. Jacob seide [seide to him E.] , Brynge [brynge ȝe F.] hem to me that Y blesse hem. [verse 10] For `the iȝen of Israel [Israel iȝen S.] , dasewiden for greet eelde, and he myȝte not se clereli; and he kisside and collide tho children ioyned to hym, [verse 11] and seide [he seide FIS.] to his sone, Y am not defraudid of thi siȝt; ferthermore God schewide [hath schewide I.] to me thi seed. [verse 12] And whanne Joseph hadde take hem fro `the fadris [his fadir I. his fadris S.] lappe, he wor|schipide lowe to [in to C pr. m.] erthe [the erthe BEGIKSX sec. m.] . [verse 13] And he sette [settide FGKMNS.] Effraym on his riȝt side, that is, on the lift side of Israel; forsothe he settide [sette EILPS.] Ma|nasses in [on IS.] his lift side, that is, on the riȝt side of the [his IS.] fadir; and he ioynede bothe to hym. [verse 14] Which [The which I.] helde forth the riȝt hond, and settide [sette ELMP. leide it IS.] on `the heed of Effraym [Effraym heed S.] , the lesse [lest E. ȝoungere IS.] brothir; sotheli he settide [sette LMP. leide IS.] the [his IS.] left
hond on `the heed of Manasses [Manasses heed IS.] , that was the more thurȝ birthe. Jacob chaungide [verse 15] `the hondes [his hond I. his hondis S.] , and blesside his sone Joseph, and seide, God, in whos siȝt my fadris Abraham and Isaac ȝeden; God, that fedith me fro my ȝong wexynge age til in [verse 16] to present [this present IS.] day; the aungel that delyuerede me fro alle yuelis, blesse thes [the E.] children, and my name be clepid on hem, and the names of my fadris Abraham and Ysaac; and wexe thei in multitude on erthe. [verse 17] For|sothe Joseph seiȝ that his fadir hadde set the [his IS.] riȝt hond on the heed of Effraym, and [and to bere ouer on the heed of Effraym, and E.] took [he took that IS.] heuyli, and he enforside to [him to IS.] reise the [his FIS.] fadris [fadir IS.] hond takun [and take it I.] fro the heed of Ef|fraym, and to bere `ouer on [it ouer vp on IS.] `the heed of [Om. S.] Manasses. [verse 18] And he [Joseph IS.] seide to the [his IS.] fadir, Fadir, it acordith not so; for this is the firste gendrid [bigeten I.] ; sette thi riȝt hond on the [his IS.] heed `of hym [Om. IS.] . [verse 19] Which [The which I.] forsook and [to do so and IS.] seide, Y woot, my sone, Y woot; and sotheli this child schal be in to puplis [many puplis IS.] , and he schal be multiplied; but his ȝonger brother schal be more than he, and `his seed [the seed of him IS.] schal en|creesse in to folkis. [verse 20] And he [Jacob IS.] blesside hem in that tyme, and seide, Israel schal be blessid in thee, Joseph [Effraym I.] , and it schal be seid [seid in pro|uerbe, I marg.] , God do to thee as to [he dide to I. he shal to S.] Effraym and as to Manasses. And he settide [sette EGILPS.] Effraym [verse 21] bifore Manasses; and seide to Joseph, his sone, Lo! Y die, and God schal be with ȝou, and schal [he schal IS.] lede ȝou aȝen to the lond [verse 22] of ȝoure fadris; Y ȝyue to thee o part ouer thi britheren which Y took fro the hand of Amorei, in my swerd and bowe.