The Holy Bible, containing the Old and New Testaments, with the Apocryphal books,

CAP. XXII.

[verse 1] And aftir that these thingis weren don, God assaiede Abraham, and seide to hym, Abraham! Abraham! He answerde, Y am present. [verse 2] God seide to him, Take thi `sone oon gendrid [oon bigotun sone I.] , whom thou louest, Ysaac; and go into the lond of visioun, and offre thou hym there in to brent sacrifice, on oon of the hillis whiche Y schal schewe to thee. [verse 3] Therfor Abraham roos bi niȝt, and sadlide his asse, and ledde with hym twey ȝonge men, and Ysaac his sone; and whanne he hadde hewe trees in to brent sacrifice, he ȝede to the place which God hadde co|maundid to him. [verse 4] Forsothe in the thridde dai he reiside hise iȝen, and seiȝ a place

[verse 5] afer; and he seide to hise children, Abide ȝe here with the asse, Y and the child schulen go thidur [togidre S.] ; and aftir that we han worschipid, we schulen turne aȝen to ȝou. [verse 6] And he took the trees of brent sacrifice, and puttide [laide S.] on Ysaac his sone; forsothe he bar fier, and a swerd in hise hondis. And whanne thei [Om. A pr. m. et plures.] tweyne ȝeden togidere, [verse 7] Isaac seide to his fadir, My fadir! And he answerde, What wolt thou, sone? He seide, Lo! fier and trees [woode S.] , where is the beeste of brent sacrifice? [verse 8] Abraham seide, My sone, God schal puruey to hym the beeste of brent sacrifice. [verse 9] Therfor thei ȝeden to gidere, and camen to the place whiche God hadde schewid to hym, in which place Abraham bildide an auter, and dresside trees [woode S.] aboue; and whanne he hadde bounde to gidere Ysaac, his sone, he puttide [laide S.] Ysaac in [on S.] the auter, on [vpon S.] the heep of trees [woode S.] . [verse 10] And he [Om. E.] helde forth his hond, and took the swerd to sacrifice his sone [sone ether to sle his sone into sacrifice X sec. m.] . [verse 11] And lo! an [the FM.] aungel of the Lord criede fro heuene, and seide, Abraham! Abraham! Which answerde, I am present. [verse 12] And the aungel seide to hym, Holde thou not forth thin honde on the child, nether do thou ony thing to him; now Y haue [Om. F.] knowe that [for S.] thou dredist God, and sparidist not thin oon gendrid [bigetun I.] sone for me. [verse 13] Abraham reiside hise iȝen, and he seiȝ `bihynde his [him K.] bak [Om. S.] a ram cleuynge bi hornes [the hornes KS.] among breris, which [whom S.] he took, and offride brent sacrifice for the [his S.] sone. [verse 14] And he clepide the name of that place, The Lord seeth; wherfore it is seyd, til to dai [this dai K.] , The Lord schal see in the hil. [verse 15] Forsothe the aungel of the Lord clepide Abraham the secounde [verse 16] tyme fro heuene, and seide, The Lord seith, Y haue swore bi my silf, for thou hast do this thing, and hast not sparid [verse 17] thin oon gendrid [bigotun sone I. geten S.] for me, Y schal blesse thee, and Y [Om. D.] schal multiplie thi seed as the [Om. S.] sterris of heuene, and as grauel [the grauel EP. grauel ether soond C.] which is in the [Om. S.] brynk of the see; thi seed schal

[verse 18] gete [welde S.] the ȝatis of hise enemyes; and alle the folkis of erthe schulen be blessid in thi seed, for thou obeiedist to my vois. [verse 19] Abra|ham turnede aȝen to hise children, and thei ȝeden to Bersabee togidere, and he dwellide there. [verse 20] And so whanne these thingis weren don, it was teld to Abraham that also Melcha hadde bore sones to Na|chor [verse 21] his brother; Hus the firste gendrid [bigotun I.] , and Buz his brothir, and Chamuhel the [verse 22] fadir of Sireis [Sireis ether of men of Sirie BCFGKNQX sec. m. Sireis or of m. of S. ELP.] , and Cased, and Asan, and [verse 23] Feldas, and Jedlaf, and Batuhel, of whom Rebecca was borun; Melcha childide these eiȝte to Nachor brother [the brothir S.] of Abraham. [verse 24] For|sothe his [Nachor S.] concubyn [secundary wyf S. concubyne ether secondarie wiyf BCFGIKNQX. c. or sec. wyf ELP.] , Roma bi name, child|ide Thabee, and Gaon, and Thaas, and Maacha.