CAP. XIII.
[verse 1] Therfore Abram stiede fro Egipt, he, and his wijf, and alle thingis that he hadde; and Loth stiede with hym, to the south coost. [verse 2] Forsothe he was ful riche in pos|sessyoun of siluer and of gold. [verse 3] And he turnede aȝen bi the weye in which he cam fro the south in to Bethel, `til to [vnto I.] the place, in which bifore he hadde sett taber|nacle, [a tabernacle S.] [verse 4] bitwixe Bethel and Hay, in the place of the auter which he made bifore, and inwardli clepide [clepe N.] there [Om. G.] the name of the [oure L.] Lord. [verse 5] But also flockis of scheep, and droues of oxun, and tabernaclis weren to [verse 6] Loth, that was with Abram; and the lond miȝte not take hem, that thei schulden dwelle togidre, for the catel of hem was myche, and thei miȝten not dwelle in comyn. [verse 7] Wherfor also strijf was maad bi|twixe the keperis of flockis of Abram and of [Om. E.] Loth. Forsothe Chananei and Feresei dwelliden in that lond in that tyme. [verse 8] Ther|for Abram seide to Loth, Y biseche [biseche thee S.] , that no strijf be bitwixe me and thee, and bi|twixe my scheepherdis and thi scheep|herdis; for we ben britheren. [verse 9] Lo! al the lond is bifore thee, Y biseche, departe thou fro me; if thou go [goist I.] to the left side, Y schal holde the riȝt side; if thou chese [chesist I.] the riȝt side, Y schal go to the left side. [verse 10] And so Loth reiside hise iȝen, and seiȝ aboute al the cuntrei of Jordan, which was al moistid, bifor that the Lord distriede So|dom and Gomorre, as paradis of the Lord, and as Egipt, as men comen in to Segor.
