and loue hym in alle her hert and soule, kepe [and kepe βη sec. m. ι. sec. m.] hise comaundementis, and swere by his name, and loue pilgrymes either comelyngis. Eft God biddith hem haue hise wordis in her hertis and wittis, and haue tho for a singne in the hondis, and bytwyxe her yȝen, and that they teche her sones to bithenke [thenke ζ.] on the wordis [word ι.] of God euere, and that they write the [tho δ.] wordis of God on the postis and ȝatis of her hous; and tellith and ȝiueth his blessyng to hem, if thei kepen hise heestis, and ȝiueth his curs to hem, if they breken hise heestis, and worshipen aliene goddis. Also they shulen distrye the placis wherynne hethen men diden ydolatrie, and distrye her auters, ymagis, woodis and ydols; and thei shulen make her sacrifices, and offre her tithis, and the firste fruytis, and ȝiftis and avowis in the place which the Lord hath chose to his name, and this was the temple of Jerusalem. Also a prophete, either a feynere of dremys, that `wole styre [sterith δει.] men to do [Om. ζ.] ydolatrye shal be slayn, and so shal a frend either citee that doth idolatrye, eithir styrith other men therto. Also thou shalt paye tithis of alle fruytis that growen in [on β.] erthe, of whete, of [and ζ.] wyn, and [Om. δει.] of oyle, and the [of the ζ.] first boren thingis of neet and sheep; and in the thridde ȝere thou shalt departe an [of ζ.] othir tithe of alle thingis that growen to thee, and kepe it with ynne thine ȝatis, to susteyne the dekene, pylgrym outher comelyng, fadirles child either [or ζ.] modirles, and wydue, that ben with ynne thy ȝatis. Also in the vij. ȝeer shal be remissioun of dette to citeseynes and kynnesmen, netheles not to a pylgrym and comelyng, for he may be compellid to paye. Outirly a nedy man and begger shal not be among [among ȝou δ.] Goddis peple; but pore men shulen not fayle in the lond, therfore ryche men shulen helpe hem with loue, and helpe hem wilfully in here nede. Thanne God techith of thre grete solempnetees, of pask, of the feeste of woukis either pentecost, and of the feeste of tabernaclis [the tabernacle β.] ; and that maystris and iugis shulen be ordeyned in alle ȝatis [the ȝatis ζ.] either citees by ech lynage, to deme the peple by iust doom, and take not ȝiftis nether persones. Ferthermore God techith, that who euer is conuyct by tweyne eithir thre witnessis [wit|nes β.] , that he hath do idolatrie, he shal be stoonyd, first by the [Om. βζ.] witnessis [wit|nes β.] , and thanne by al the pepil. He that is proud and wole not obeye to the comaundement of the hiȝe prest, and to the doom of the iugis [iuge βζ.] , in that that [Om. βδει.] thei techen Goddis lawe, shal be deed. Thanne God techith, what maner kyng the pepil shal make, and what shal be his office. Aftirward God techith, that prestis and dekenys, and alle that ben of the same lynage, shulen `not haue [haue no ι.] part and eritage with the residue pepil of Israel, for they shulen ete the sacrifices of the Lord, and the offringis of hym, and thei shulen take noon othir thing of the possessioun of her bretheren; for whi God hym self is her eritage. Ferthermore God forbedith idolatrie, and to enquere con|iourers, and to kepe dremys and chiteryng of briddis; and comaundith that no wicche neithir [ne ζ.] enchaunter be, and that men take not [no ζ.] councel at hem that han spiritis in cloos, neithir at false dyuynours, neithir axe of deede men the trouthe. Also God shal reise a profete of her [Om. ζ.] brethir [brithren δεζι.] , that is Crist the Sauyour, and he that hath [heerith δει.] not hise wordis shal be punishid. A profete that wole speke by pride in the name of God that thing that God bad not hym, eithir bi the name [names ζ.] of othir goddis, shal be slayn. Also vj. citees of refuyt eithir [or ζ.] of fraunchise shulen be, that he [oon β.] that sleeth a man, not by hatrede but aȝens his wille, be [schal be ζ.] saued, and he that sleeth a man bi hatrede and bifore castyng, shal be slayn with oute mercy, eithir raunsoun. He that is conuict to have seid fals witnessyng aȝens his brothir, shal haue the same peyne to which his brothir shulde be put, if he hadde be gilty. Also prestis shulen coumforte hem that gon to iust batel, to haue trist in God, and drede not her enemyes, and that ferdful men, and thei that han newly byldyd an hous, eithir [or ζ.] newly plauntid a vyne, eithir [or δεζι.] newly weddid a wyf, and not vsid hir, go not to batel; and first werryours shulen profre pees to a citee, and if the citee ȝelde it self, men ther